କଟକ ( ଆୱାଜ ମିଡ଼ିଆ ) – ଅମ୍ରିତା ପଟ୍ଟନାୟକ : ଆନ୍ଧ୍ର ଓଡିଶା ସୀମାନ୍ତ ର ଚର୍ଚ୍ଚିତ ଗ୍ରାମ କୋଟିଆ ଉପରେ ଆଧାରିତ କ୍ଷୁଦ୍ର ଓଡ଼ିଆ ଚଳଚ୍ଚିତ୍ର “କୋଟିଆ ଗୁରୁ” ର ପୋଷ୍ଟର ଉନ୍ମୋଚନ ହୋଇଯାଇଛି ! କଟକ ସ୍ଥିତ ଶେଖବଜାର ଲାଲା ମଠ ପରିସରରେ ବୁଧବାର ଅପରାହ୍ନରେ ଏହାକୁ ସିଲଭର ସିଟି ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲର ନିର୍ଦ୍ଦେଶକ ନାଟ୍ୟକାର ନବ କିଶୋର ଦାସ ଉନ୍ମୋଚନ କରିଥିଲେ । ଏନ ଏସ ଫିଲ୍ମ ବ୍ୟାନରରେ ନିର୍ମଳ କୁମାର ସାମନ୍ତରାୟ ଙ୍କ ପ୍ରଯୋଜିତ ଓ ତୋଫାନ ମହାନ୍ତି ନିର୍ଦ୍ଦେଶିତ ଏହି କୋଟିଆ ଗୁରୁ ସିନେମା ରେ ଏକ ୮ ବର୍ଷର ସ୍କୁଲ ଛାତ୍ର ଆପଣା ଶିକ୍ଷାଗତ ସମସ୍ୟା ସହ କୋଟିଆ ଗ୍ରାମର ବିକାଶ ନିମନ୍ତେ ସ୍ଵହସ୍ତ ଲିଖିତ ଏକ ସ୍ମାରକପତ୍ର ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ପ୍ରଦାନ କରିବାକୁ ଆସି ନିଖୋଜ ଯାଇଥିବା କାହାଣୀ ପ୍ରଦର୍ଶିତ ହୋଇଛି । କହାଣୀ ର ନାୟକ ୮ ବର୍ଷର ବାଳକ କୋଟିଆ ଗୁରୁ କୋଟିଆ ଗ୍ରାମରୁ ୭୦୦ କିଲୋମିଟର ରାସ୍ତା ସାଇକେଲ ଚଳାଇ ରାଜଧାନୀ ଭୁବନେଶ୍ବରକୁ ଆସୁଥିବା ଦୃଶ୍ୟକୁ ନେଇ ୨୬ ମିନିଟ ଅବଧିର ଏ ସିନେମାଟି ନିର୍ମିତ ।
