ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ କେନାଲ ରୋଡ଼ ରୁ ବାଲୁଗାଁ ଅବକାରୀ ବିଭାଗ ଶନିବାର ଦିନ ଚଢାଉ କରି ଜଣେ ଦେଶୀ ମଦ ବେପାରୀକୁ ଗିରଫ କରିବା ସହିତ ତାଙ୍କ ନିକଟରୁ ୭୦ ଲିଟର ଚୋରା ଦେଶୀମଦ ଓ ଏକ ବାଇକ୍ ଜବତ କରିଛି । ଗିରଫ ଅଭିଯୁକ୍ତ ହେଲେ ବାଣପୁର ଶାଳିଆ ଡ୍ୟାମ କଲୋନୀ ଅଞ୍ଚଳର ଶିବ ଶବର l ବାରମ୍ବାର ମଦ ବିରୋଧୀ ଅଭିଯାନ କୁ ସଫଳ କରୁଚି ଅବକାରୀ ବିଭାଗ l ଏହି ଦେଶୀ ମଦ ପିଇ କେତେ ଘର ଉଜୁଢ଼ି ଯାଉଥିବା ବେଳେ ପିଲାମାନେ ଅନାଥ ହେବାର ନଜିର ମଧ୍ୟ ରହିଛି । ବିଭିନ୍ନ ଜାଗା ରେ ଝିଅ ବୋହୁ ମାନଙ୍କୁ କମେଣ୍ଟ ମାରିବା ହେଉ କିମ୍ବା ବିଭିନ୍ନ ଜାଗାରେ ମାଡ ଗୋଡ଼ ଝଗଡା ଦେଖିବାକୁ ମିଳୁଛି । ଦିନକୁ ଦିନ ମଦ ମାଫିଆ ଙ୍କ ଦୋରାତ୍ମ ଦେଖିବାକୁ ମିଳୁଥଲା । କୌଣସି ସୂତ୍ର ରୁ ଖବର ପାଇ ଅଚାନକ ଚଢ଼ାଉ କରିଥିଲେ ବାଲୁଗାଁ ଅବକାରୀ କର୍ତ୍ତୃପକ୍ଷ , ଅଭିଯୁକ୍ତକୁ ଗିରଫ କରିବା ସହିତ ତାଙ୍କ ନିକଟରୁ ଦେଶୀ ମଦ ସମେତ ଏକ ବାଇକ୍ ଜବତ କରି ତାଙ୍କ ବିରୁଦ୍ଧରେ ଏକ ମାମଲା ରୁଜୁକରି ଅଭିଯୁକ୍ତକୁ କୋର୍ଟ ଚାଲାଣ କରିଥିବାର ବାଲୁଗାଁ ଅବକାରୀ ରୋହିତ ଦଣ୍ଡସେନା ସୂଚନା ଦେଇଛନ୍ତି ।
