ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ମାଳି ଗୋବିନ୍ଦପୁର ଗ୍ରାମରେ ଜଣେ ଯୁବକଙ୍କର ପୋଖରୀ ରେ ବୁଡି ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ ସେହି ଗ୍ରାମର ଯୋଗି ରଣାଙ୍କ ପୁଅ ଗୋପୀ ରଣା ବୟସ (୨୦) । ସୂଚନା ମୁତାବକ ଆଜି ଅପରାହ୍ନରେ ବାଣପୁର ମାଳି ଗୋବିନ୍ଦପୁର ଗ୍ରାମର ଯୋଗି ରଣାଙ୍କ ପୁଅ ଗୋପୀ ରଣା ଗତିଶ୍ୱର ମନ୍ଦିର ନିକଟରେ ଥିବା ପୋଖୋରୀ କୁ ଶୌଚ ହେବା ପାଇଁ ଯାଇଥିଲେ । ଶୌଚ ସମୟରେ ଅସାବଧାନତା ସହ ତାଙ୍କ ଗୋଡ ଖସି ଯାଇଥିଲା ଯାହା ଫଳରେ ସେ ପୋଖରୀ ରେ ବୁଡି ଯାଇଥିଲେ । ସଙ୍ଗେ ସଙ୍ଗେ ସେଠାରେ ଥିବା କିଛି ଗ୍ରାମବାସୀ ତାଙ୍କୁ ଉଦ୍ଧାର କରି ପରିବାର ଲୋକଙ୍କୁ ଖବର ଦେବା ସହ ସ୍ଥାନୀୟ ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଦୁଃଖଦ ଖବର ଶୁଣିବା ପରେ ମାଳି ଗୋବିନ୍ଦପୁର ଗ୍ରାମରେ ଦେଖିବାକୁ ମିଳିଛି ଶୋକାକୁଳ ପରିବେଶ ।
