ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଜଣେ ନାବାଳିକାକୁ ବିବାହ ପ୍ରତିଶୃତି ଦେଇ ଅନେକ ଦିନ ଧରି ନାବାଳିକା ସହ ଶାରୀରିକ ସମ୍ପର୍କ ରଖିବା ପରେ ଠକି ଦେଇଥିବା ନେଇ ଥାନାରେ ଅଭିଯୋଗ ହେବା ପରେ ପୋଲିସ ସମ୍ପୃକ୍ତ ଯୁବକକୁ ଗିରଫ କରି କୋର୍ଟ ଚାଲାଣ କରିଛି । ଏପରି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବାଣପୁର ଥାନା ଭେଟେଶ୍ବର ପଞ୍ଚାୟତ ସାନ ଶିରେଇପୁର ଗ୍ରାମରେ । ପୋଲିସ ସୁତ୍ରରୁ ପ୍ରକାଶ ଯେ ସାନ ସିରେଇପୁର ଗ୍ରାମର କୈଳାସ ପ୍ରଧାନଙ୍କ ପୁଅ ପିଣ୍ଟୁ ପ୍ରଧାନ ବାଣପୁର ଅଞ୍ଚଳର ଜଣେ ନାବାଳିକା କୁ ବିବାହର ପ୍ରତିଶୃତି ଦେଇ ପ୍ରେମରେ ଫସାଇ ଦୀର୍ଘ ମାସ ଧରି ଶାରୀରିକ ସମ୍ପର୍କ ରଖି ଆସୁଥିଲା । ତେବେ ନାବାଳିକା ଜଣକ ବିବାହ ପାଇଁ ଜିଦ ଧରିବାରେ ଯୁବକ ଜଣକ ବିବାହ ପାଇଁ ରୋକଠୋକ ମନା କରି ଦେଇଥିଲା । ଏନେଇ ପୀଡିତା ବାଣପୁର ଥାନାରେ ଅଭିଯୋଗ କରିବାରେ , ବାଣପୁର ପୋଲିସ ମାମଲା ରୁଜୁ କରି ତଦନ୍ତ ଜାରି ରଖିଥିଲା । ତେବେ ମାମଲା ଭୟରେ ଫେରାର ଥିବା ଯୁବକକୁ ଆଜି ବାଣପୁର ପୋଲିସ ଗିରଫ କରି କୋର୍ଟ ଚାଲାଣ କରିଛି ।
