ଟାଙ୍ଗୀ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ଟାଙ୍ଗୀ ନିକଟସ୍ଥ ୧୬ ନମ୍ବର ଜାତୀୟ ରାଜପଥ ବଡ଼ପୋଖରିଆ ଛକ ନିକଟରେ ଘଟି ଯାଇଛି ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ ଆନ୍ଧ୍ର ଅଞ୍ଚଳର ୪ ଜଣ ଯାତ୍ରୀ ଘଟଣା ସ୍ଥଳରେ ମୃତ୍ୟୁ ବରଣ କରିଥିବାର ସୂଚନା ମିଳିଛି । ଆନ୍ଧ୍ର ଅଞ୍ଚଳର କିଛି ଯାତ୍ରୀ ପୁରୀ ଯାଉଥିବା ବେଳେ ଟାଙ୍ଗୀ ନିକଟସ୍ତ ୧୬ ନମ୍ବର ଜାତୀୟ ରାଜପଥର ବଡ଼ପୋଖରିଆ ଛକ ନିକଟରେ ରାଜପଥର କଡରେ ଏକ ଟ୍ରକ ଖରାପ ହୋଇ ଠିଆ ହୋଇଥିବା ବେଳେ ଟ୍ରକର ପଛ ପଟକୁ ଶକ୍ତ ଧକା ଦେଇଥିଲା କାରଟି । ଯାହା ଫଳରେ କାରଟି ଚୁରମାର ହେବା ସହ କାରରେ ରହିଥିବା ସମସ୍ତ ଯାତ୍ରୀଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି । ଖବର ପାଇ ଜଙ୍କିଆ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ସମସ୍ତ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ମେଡିକାଲ ପଠେଇ ତଦନ୍ତ ଜାରି ରଖିଥିବାର ସୂଚନା ମିଳିଛି । ଏହି ଦୁର୍ଘଟଣା ଘନ କୁହୁଡି ଯୋଗୁ ଘଟିଥିବାର ଅନୁମାନ କରାଯାଉଛି ।
