ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର – ବାଲୁଗାଁ ମୁଖ୍ୟରାସ୍ତା ମା ମେଘାମ୍ବରୀ ମନ୍ଦିର ନିକଟରେ ଘଟିଛି ଏକ ସଡ଼କ ଦୁର୍ଘଟଣା । ଏକ ବୁଲେଟ ଓ ବାଇକ ମଧ୍ୟରେ ଧକ୍କା ହୋଇ ଉଭୟ ଚାଳକ ଗୁରୁତର ଆହତ ହୋଇଛନ୍ତି ! ଜଣଙ୍କର ଅବସ୍ଥା ଗୁରୁତର ଥିବାରୁ। ଅଧିକ ଚିକିତ୍ସା ପାଇଁ ଭୁବନେଶ୍ବର ସ୍ଥାନାନ୍ତରିତ କରାଯାଇଛି ଓ ଅନ୍ୟ ଜଣେ ସ୍ଥାନୀୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଖବର ନେବାରେ ଜଣାଯାଇଛି , ଅନ୍ତରକିଆରି ଗ୍ରାମର ଅରୁଣ ପ୍ରଧାନ କୈାଣସି କାର୍ଯ୍ୟନେଇ ଏକ ବାଇକ ଯୋଗେ ବାଣପୁର ବାଲୁଗାଁ ମୁଖ୍ୟ ରାସ୍ତା ମା,ମେଘାମ୍ବରୀ ମନ୍ଦିର ନିକଟକୁ ଆସିଥିବା ବେଳେ , ବାଲୁଗାଁ ରୁ ବାଣପୁର ଗୋଦାବରୀଶ ମହାବିଦ୍ୟାଳୟ କୁ ଡିଉଟି କରିବାକୁ ଏକ ବୁଲେଟ ଯୋଗେ ସାର୍ଥକ ରଣସିଂହ ଆସୁଥିଲେ ! କୈଣସି କାରଣରୁ ସାର୍ଥକଙ୍କ ବୁଲେଟଟି ଭାରସାମ୍ୟ ହରାଇ ଅରୁଣ ଙ୍କ ବାଇକକୁ ଧକ୍କା ଦେଇଥିଲା । ଘଟଣା ସ୍ଥଳରେ ଉଭୟ ଗୁରୁତର ଆହାତ ହୋଇ କିଛି ଦୂରରେ ଛିଟିକି ପଡି ଯାଇଥିଲେ । ସ୍ଥାନୀୟ ଲୋକମାନେ ସେଠାରେ ପହଞ୍ଚି ଉଭୟ ଙ୍କୁ ଚିକିତ୍ସା ପାଇଁ ବାଣପୁର ସରକାରୀ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଅରୁଣ ଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି ।
