ଖଣ୍ଡପଡ଼ା ( ଆୱାଜ ମିଡ଼ିଆ ) – ବିଶ୍ବଜିତ ବାରିକ : ନୟାଗଡ଼ ଜିଲ୍ଲା ଖଣ୍ଡପଡ଼ା ବ୍ଲକ ଅଧିନ କୁଞ୍ଜବିହାରୀପୁର ଗ୍ରାମର ସୁଶାନ୍ତ କର (୨୫) ଏକ ବାଇକ୍ ଯୋଗେ ମକର ସଂକ୍ରାନ୍ତି ଦିନ ତାଙ୍କ ଭଉଣୀ ସ୍ୱପ୍ନାରାଣୀ କର (୧୫) ଙ୍କୁ ଧରି ଖୋର୍ଦ୍ଧା ଅଭିମୁଖେ ତାଙ୍କ ସମ୍ପର୍କୀୟ ଘରକୁ ଯାଉଥିଲେ । ଭାପୁର -କଳାପଥର ବାଇପାସ୍ ରାସ୍ତାରେ ବିପରୀତ ଦିଗରୁ ଆସୁଥିବା ଏକ ବାଇକରେ ଦୁଇଜଣ ଯୁବତୀଙ୍କ ସହିତ ମୁହାଁମୁହିଁ ଧକ୍କା ହୋଇଥିଲା । ଉଭୟ ରାସ୍ତାରେ ଝିଟିକି ପଡ଼ିଥିଲେ । ସ୍ଥାନୀୟ ଲୋକେ ଚାରି ଜଣ ଗୁରୁତରଙ୍କୁ ଭାପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଗୁରୁତର ଆହତ ହୋଇଥିବା ଦୁଇ ଯୁବତୀ ଫତେଗଡ ଥାନା ଅନ୍ତର୍ଗତ ଗୋଳାପୋଖରୀ ପଞ୍ଚାୟତ ଅଧୀନ ବେଗୁନିଆ ଗ୍ରାମର ସୋନାଲି ପରିଡ଼ା (୨୦) ଓ ଦୀପାଞ୍ଜଳୀ ଖୁଣ୍ଟିଆ (୧୯) ଆହତଙ୍କୁ ଭୁବନେଶ୍ୱର ରେଫର କରିଥିଲେ । ସୁଶାନ୍ତ କର ଓ ତାଙ୍କ ଭଉଣୀ ଦୁଇଜଣଙ୍କୁ ଖୋର୍ଦ୍ଧା ମେଡିକାଲକୁ ରେଫର କରିଥିଲେ ବୋଲି ଭାପୁର ଡାକ୍ତରଙ୍କ ଠାରୁ ସୂଚନା ମିଳିଛି । ଗୁରୁତର ଭାବେ ଆହତ ହୋଇଥିବା ସୁଶାନ୍ତ ଙ୍କ ବାଟରେ ମୃତ୍ୟୁ ଘଟିଛି ବୋଲି ପରିବାର ପକ୍ଷରୁ ସୂଚନା ମିଳିଛି । ଦୁର୍ଘଟଣାରେ ମୃତ ସୁଶାନ୍ତ ଖୋର୍ଦ୍ଧା ସ୍ଥିତ ବନ୍ଧନ ବ୍ୟାଙ୍କ ଶାଖାରେ କ୍ଷେତ୍ର ପରିଚାଳକ ଭାବେ କାର୍ଯ୍ୟ କରୁଥିଲେ । ଏହି ଦୁଃଖଦ ଘଟଣାକୁ ନେଇ କୁଞ୍ଜବିହାରୀପୁର ଗ୍ରାମରେ ଶୋକର ଛାୟା ଖେଳି ଯାଇଛି । ମୃତ ସୁଶାନ୍ତ କୁଞ୍ଜବିହାରୀ ପୁର ଗ୍ରାମର ଗୋପୀନାଥ କରଙ୍କ ପୁତ୍ର ବୋଲି ଜଣାପଡିଛି ।
