ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ମହିଳା ସ୍ନାତକ ମହାବିଦ୍ୟାଳୟ ପରିସରରେ ସ୍ୱାମୀ ବିବେକାନନ୍ଦ ଜୟନ୍ତୀ ପରିପ୍ରେକ୍ଷୀରେ ଜାତୀୟ ଯୁବ ଦିବସ ଏନ ଏସ ଏସ ବିଭାଗ ତରଫରୁ ପାଳନ କରାଯାଇଛି । ଅଧ୍ୟକ୍ଷା ଡକ୍ଟର ରୀନା ସାହୁ ପ୍ରଦୀପ ପ୍ରଜ୍ବଳନ କରି ଫଟୋ ଚିତ୍ରରେ ପୁଷ୍ପ ମାଲ୍ୟାର୍ପଣ କରିଥିଲେ । ସ୍ୱାମୀ ବିବେକାନନ୍ଦ ଙ୍କ ବାଲ୍ୟ ଜୀବନ ଏବଂ ଯୁବ ସମାଜ କିଭଳି ଅନୁପ୍ରାଣିତ ହେବେ ସେ ସମ୍ପର୍କରେ ଉପସ୍ଥିତ ଛାତ୍ରୀମାନଙ୍କୁ ଉଦବୋଧନ ଦେଇଥିଲେ । ସେହିଭଳି ଏନ ଏସ ଏସ ସେବା ଯୋଜନା ଅଧିକାରୀ ଡକ୍ଟର ଭାରତୀ ପାଣିଗ୍ରାହୀ ସ୍ୱାମୀ ବିବେକାନନ୍ଦଙ୍କର ଜୀବନୀ ତଥା ଚିକାଗୋ ଧର୍ମ ସମ୍ମିଳନୀରେ ଭାରତର ବେଦ, ଦର୍ଶନ ଏବଂ ଅଧ୍ୟାତ୍ମିକତାର ଉତ୍କର୍ଷତା ସମ୍ପର୍କରେ ତାଙ୍କର ଭୂମିକା ବର୍ଣ୍ଣନା କରିଥିଲେ । ଏହି ସମସ୍ତ କାର୍ଯ୍ୟକ୍ରମ କୁ ଏଲ ଅଶୋକ କୁମାର ପରିଚାଳନା କରିଥିଲେ ଶେଷରେ ଧନ୍ୟବାଦ ପ୍ରଦାନ ପୂର୍ବକ ସଭା ସାଙ୍ଗ ହୋଇଥିଲା ।
