ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଆୟତପୁର ଛକ ନିକଟରେ ଏକ ସଡ଼କ ଦୁର୍ଘଟଣା ଘଟି ଯାଇଛି ! ବାଣପୁର ଅଞ୍ଚଳର ସୁନା ରୂପା ନାମକ ଏକ ଘରୋଇ ବସ ଦୁର୍ଘଟଣା ଗ୍ରସ୍ତ ହୋଇଛି । ସୂଚନା ମୁତାବକ ଏହି ସୁନା ରୂପା ବସ ଟି ପ୍ରତେକ ଦିନ ସେହି ରାସ୍ତାଦେଇ ବାଣପୁରରୁ ଭୁବନେଶ୍ଵର ଅଭିମୁଖେ ଯାଉଥିବା ବେଳେ , ସକାଳେ ମଧ୍ୟ ବାଣପୁରରୁ ଭୁବନେଶ୍ଵର ଅଭିମୁଖେ ଯାଉଥିଲା ! ବାଣପୁର ଆୟତପୁର ଛକ ନିକଟରେ କୈାଣସି କାରଣରୁ ଭାରସାମ୍ୟ ହରାଇ ଜଣଙ୍କ ଦୋକାନକୁ ବସ ଟି ଶକ୍ତ ଧକା ଦେଇଥିଲା ! ଯାହା ଫଳରେ ଦୋକାନଟି ଭାଙ୍ଗି ଯିବା ସହ ବସ ଟିର ଆଗ ପଟ କାଚଟି ସମ୍ପୂର୍ଣ ଭାବରେ ଭାଙ୍ଗି ଯାଇଛି । ଏହି ଦୁର୍ଘଟଣାରେ ଡ୍ରାଇଭର ଙ୍କ ସମେତ ବସରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ଜଣା ପଡିଛି ।
