ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ନୟାଗଡରେ ବିଜେପିର ସେବା ସପ୍ତାହ ! କାର୍ଯ୍ୟକ୍ରମ ଅବସରରେ ସମସ୍ତଙ୍କ ସୁଖ ଦୁଃଖ ରେ ଅଛନ୍ତି ବୋଲି ପ୍ରକାଶ କରିଥିଲେ ବିଜେପି ନେତ୍ରୀ ତଥା ନୟାଗଡ ର ରାଣୀ ପ୍ରତ୍ୟୁଷା ରାଜେଶ୍ୱରୀ ! ପ୍ରତ୍ୟୁଷାଙ୍କ ସେବାରେ ସନ୍ତୁଷ୍ଟ ସମର୍ପଣର ଅନ୍ତେବାସୀ ଓ ରୋଗୀ ! ନୟାଗଡ଼ରେ ଭାରତୀୟ ଜନତା ପାର୍ଟିର ୩୦୦ ରୁ ଉର୍ଦ୍ଧ କର୍ମୀଙ୍କୁ ନେଇ ପ୍ରତ୍ୟୁଷା ରାଜେଶ୍ୱରୀ ସିଂ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ସଫେଇ କାର୍ଯ୍ୟ ସହିତ ଫଳ ବଣ୍ଟନ କରିଛନ୍ତି । ରୋଗୀଙ୍କ ସୁଖଦୁଃଖ ପଚାରି ବୁଝିବା ସହ ନୟାଗଡ ମୁଖ୍ୟ ଚିକିତ୍ସାଳୟର ବିଭିନ୍ନ ଅବ୍ୟବସ୍ଥା ସମ୍ପର୍କରେ ସିଡିଏମଓ ଙ୍କ ସହିତ ଆଲୋଚନା କରିଛନ୍ତି । ଆନୁସଙ୍ଗିକ ସୁବିଧା ସୁଯୋଗ ରୋଗୀଙ୍କୁ ଯୋଗାଇଦେବେ ବୋଲି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ମଧ୍ୟ ପ୍ରତିଶୃତି ଦେଇଛନ୍ତି । ପରେ ପରେ ନୟାଗଡ ବୃଦ୍ଧାଶ୍ରମ ‘ ସମର୍ପଣ ‘ କୁ ଯାଇ ସେଠାରେ ଥିବା ବୟୋଜ୍ୟେଷ୍ଠ ଅନ୍ତେବାସୀଙ୍କୁ ଫଳ ଓ ବସ୍ତ୍ର ବଣ୍ଟନ କରିଥିଲେ । ଏହି ସେବା କାର୍ଯ୍ୟକ୍ରମରେ ନୟାଗଡ ଭାରତୀୟ ଜନତା ପାର୍ଟିର ଆଗଧାଡ଼ିର ସମସ୍ତ ନେତୃବୃନ୍ଦ ଉପସ୍ଥିତ ଥିଲେ । ସେବା ସପ୍ତାହ ଆସନ୍ତା 11 ତାରିଖ ପଯ୍ୟନ୍ତ ଜିଲ୍ଲାର ବିଭିନ୍ନ ସ୍ଥାନରେ ଚାଲିବ l
