ନୟାଗଡ ( ଆୱାଜ ମିଡ଼ିଆ ) – ମମତା ମହାପାତ୍ର : ଅଗ୍ନିକାଣ୍ଡରେ ଦୁଇ ବଖରା ପୋଡ଼ି ପାଉଁଶ ! ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ଆଦିବାସୀ ବହୁଳ ବେରୁଆବାରୀ ପଂଚାୟତର ବନ୍ଦାମୁହି ହରିଜନ ସାହିରେ ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିବା ଖବର ମିଳିଛି । ସୁଚନା ମୁତାବକ ବେରୁଆବାରୀ ପଂଚାୟତର ବନ୍ଦାମୁହି ହରିଜନ ସାହିର ପ୍ରଭାତ ନାଏକ, ଜଗନ୍ନାଥ ନାଏକ ଖିଆ ପିଆ ସାରି ଶୋଇଥିବା ବେଳେ ରାତ୍ର ଦୁଇ ଘଟିକା ସମୟରେ ନିଆଁ ଲାଗିଥିବା ଜାଣି ଜୀବନ ବିକଳରେ ଘରୁ ପରିବାର ସହିତ ବାହାରି ଆସିଥିଲେ । ସେହି ସମୟରେ ବାହାଡ଼ା ଝୋଲା ଫରେଷ୍ଟର ସନାତନ ସ୍ବାଇଁ ଓ ଷ୍ଟାଫ୍ ପାଟ୍ରୋଲିଙ୍ଗ କରୁଥିବା ବେଳେ ନିଆଁ ଲାଗିବା ଦେଖି ନିଆଁ ଲିଭାଇବା ସହିତ ଓଡ଼ଗାଁ ଦମକଳ ବାହିନୀକୁ ଖବର ଦେଇଥିଲେ ! ଖବର ପାଇ ଓଡ଼ଗାଁ ଦମକଳ ବାହିନୀ ପହଂଚି ନିଆଁ ଲିଭାଇଥିଲେ । ଘରର ପ୍ରତ୍ୟେକ ଜିନିଷ ଟଙ୍କା ସୁନାଗହଣା , ଆଧାର , ଭୋଟର ପରିଚୟ ପତ୍ର ସହିତ ସମସ୍ତ ଆବଶ୍ୟକ କାଗଜ ପତ୍ର ପୋଡ଼ି ଯାଇଥିବା ଦେଖିବାକୁ ମିଳିଛି । ତେବେ କେହି ଦୁର୍ବୁତ୍ତ ଜାଣିଶୁଣି ନିଆଁ ଲଗାଇ ଦେଇଥିବାର ଅଭିଯୋଗ ଆସିଛି । ସକାଳୁ ବାହାଡ଼ାଝୋଲା ଫରେଷ୍ଟର ସନାତନ ସ୍ବାଇଁ ଓ ବାହାଡ଼ାଝୋଲା ଫାଣ୍ଡି ଅଧିକାରୀ ଭିମସେନ ମଲିକ ପହଞ୍ଚି ଲୋକଙ୍କୁ ସକାଳ ଜଳଖିଆ ସହିତ କିଛି ରୋଷେଇ ସାମଗ୍ରୀ ପ୍ରଦାନ କରିଛନ୍ତି । ବାହାଡ଼ା ଝୋଲା ଫାଣ୍ଡି ଅଧିକାରୀ ଓ ବନବିଭାଗ ଅଧିକାରୀ ଙ୍କ ଏହିଭଳି କାର୍ଯ୍ୟ କୁ ଅଂଚଳବାସୀ ସ୍ୱାଗତ କରିଛନ୍ତି ।
