ଭୁବନେଶ୍ୱର ( ଆୱାଜ ମିଡ଼ିଆ ) – ନିରଞ୍ଜନ ସାହୁ : ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କୁ ମରଣୋତ୍ତର ଭାରତରତ୍ନ ପ୍ରଦାନ ପାଇଁ ଗାନ୍ଧୀ ମାର୍ଗରେ ଦାବି । ଯୁବ ସମାଜସେବୀ ସଞ୍ଜୟ ପରିଡାଙ୍କ ନେତୃତ୍ୱରେ ଗାନ୍ଧିମାର୍ଗ ରେ ଶୋଭାଯାତ୍ରା ଓ ଦାବି ଉପସ୍ଥାପନ କରାଯାଇଛି ! ପଣ୍ଡିତ ଗୋପବନ୍ଧୁ ଦାସ ହେଉଛନ୍ତି ଓଡ଼ିଆ ଜାତିର ସର୍ବକାଳୀନ ଆଦର୍ଶ । ଯାହାକୁ ସେବାର ମୂର୍ତ୍ତିମନ୍ତ ପ୍ରତୀକ ଭାବେ ଗ୍ରହଣ କରି କୋଟି କୋଟି ଓଡ଼ିଆ ତାଙ୍କୁ ଉତ୍କଳମଣି ନାମରେ ସମ୍ବର୍ଦ୍ଧନା କରିଆସୁଛନ୍ତି । ନିଜର ପରିବାର ଜୀବନକୁ ଖାତିର ନକରି ବନ୍ୟା ପ୍ରପୀଡ଼ିତ ମାନଙ୍କୁ ସେବା ଯୋଗାଇ ନିଜ ପୁତ୍ରକୁ ହରେଇବା ଭଳି ଦୁଃଖ ତାଙ୍କୁ ପ୍ରଭାବିତ କରି ପାରିନଥିଲା ସମାଜସେବା କ୍ଷେତ୍ରରେ । କିନ୍ତୁ ଦୁଃଖର କଥା ଆଜି ପର୍ଯ୍ୟନ୍ତ ତାଙ୍କୁ ଭାରତରତ୍ନ ମିଳି ପାରିନାହିଁ । ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ ଙ୍କୁ ମରଣୋତ୍ତର ଭାରତରତ୍ନ ଦାବି ନେଇ ସାରା ରାଜ୍ୟ ରେ ପଦଯାତ୍ରା କରୁଥିବା ଯୁବ ସମାଜସେବୀ ସଂଜୟ ପରିଡା ଆଜି ଗାନ୍ଧୀ ମାର୍ଗରେ ଚାଲିଚାଲି ଏହି ଦାବି ଉପସ୍ଥାପନ କରିଥିଲେ । ରାଜ୍ୟ ସରକାର ଓ କେନ୍ଦ୍ର ସରକାର ଏହାକୁ ସର୍ବାଗ୍ରେ ଗୁରୁତ୍ୱ ଦେଇ ଯଥାଶୀଘ୍ର ଉତ୍କଳମଣିଙ୍କୁ ମରଣୋତ୍ତର ଭାରତରତ୍ନ ପ୍ରଦାନ କରିବା ପାଇଁ ନିଷ୍ପତ୍ତି ନିଅନ୍ତୁ । ଏହି ଶୋଭାଯାତ୍ରାରେ ବରିଷ୍ଠ ସାମ୍ବାଦିକ ପ୍ରମୋଦ ସ୍ୱାଇଁ, ସତ୍ୟ ବାବୁ, ଯୁବ ସମାଜସେବୀ ନିରଞ୍ଜନ ସାହୁ ଓ ଓଡିଶା ସମାଜସେବୀ ମହାସଂଘର ରାଜ୍ୟ ସଭାପତି ବାପୁ ଓଝା ପ୍ରମୁଖ ଉପସ୍ଥିତ ରହିଥିଲେ ! ଗାନ୍ଧିମାର୍ଗ ସ୍ଥିତ ଜନମଙ୍ଗଳ ପରିଷଦ ଟେଣ୍ଟ ସମ୍ମୁଖରେ ଶାନ୍ତିପୂର୍ଣ୍ଣ ଭାବେ ବସିବା ସହ ଦାବି ଉପସ୍ଥାପନା କରିଥିଲେ | ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲା ଓଡିଶା ସମାଜସେବୀ ମହାସଂଘ ।
