ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ବିଳମ୍ବିତ ରାତ୍ରରେ ଏକ ବିବାହ ଭୋଜି ଖାଇ ଘରକୁ ଫେଟିବା ସମୟରେ ବାଲୁଗାଁ ରେଲୱେ ଓଭରବ୍ରିଜ ଉପରେ ଅଜଣା ଗାଡି ଧକ୍କାରେ ଜଣେ ଯୁବଙ୍କଙ୍କ ମୃତ୍ୟୁ ଘଟିଛି । ଯୁବକ ଜଣଙ୍କ ହେଉଛନ୍ତି ବାଲୁଗାଁ ଗୁଣ୍ଡୁରପୁର ସାହିର ବିଜୟ କୁମାର ପଣ୍ଡାଙ୍କ ପୁଅ ଆଦିତ୍ୟ ପଣ୍ଡା (୨୮) । ସାଙ୍ଗ ବାହାଘର ଭୋଜି ଖାଇ ରାତିରେ ନିଜ ବାଇକ ଦ୍ବାରା ଗୁଣ୍ଡୁରପୁର ସାହିକୁ ଫେରିବା ବେଳେ ବିପରୀତ ଦିଗରୁ ଏକ ଗାଡି ବାଲୁଗାଁ ରେଲୱେ ଓଭରବ୍ରିଜ ରାସ୍ତା ଉପରେ ଧକ୍କାଦେଇ ଚାଲି ଯାଇଥିଲା । ଯାହା ଫଳରେ ଆଦିତ୍ୟ ଘଟଣା ସ୍ଥଳରେ ଗୁରୁତର ଆହତ ହୋଇଥିଲେ । ରାତ୍ରି ପେଟ୍ରୋଲିଂ କରୁଥିବା ବାଲୁଗାଁ ଥାନା ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଆଦିତ୍ୟକୁ ଉଦ୍ଧାର କରି ଚିକିତ୍ସା ପାଇଁ ବାଲୁଗାଁ ମେଡ଼ିକାଲକୁ ନେଇଥିଲେ । ମେଡ଼ିକାଲରେ ପହଞ୍ଚିବା ପରେ ଡାକ୍ତର ମୃତ ଘୋଷଣା କରିଥିଲେ । ବାଲୁଗାଁ ଥାନା ପୁଲିସ ଏ ସଂକ୍ରାନ୍ତରେ ଏକ ମାମଲା ରୁଜୁ କରି ଶବକୁ ଜବତ କରିବା ସହିତ ବ୍ୟବଚ୍ଛେଦ କରାଇଥିଲେ । ପରଦିନ ଏକ ଶୋକାକୁଳ ପରିବେଶ ମଧ୍ୟରେ ଆଦିତ୍ୟଙ୍କ ଶବଦାହ କରାଯାଇଛି ।
