ନରସିଂହପୁର ( ଆୱାଜ ମିଡ଼ିଆ ) – ଗୋପାଳ ଚନ୍ଦ୍ର ବେହେରା : କଟକ ଜିଲ୍ଲା ନରସିଂହପୁର ବ୍ଲକ ଓସ୍ତ ନାରାୟଣପୁର ଗ୍ରାମର ଦେବନ୍ଦ୍ର ପଟ୍ଟନାୟକ ଙ୍କ ଘରେ ସର୍ଟ ସର୍କିଟ ଯୋଗୁ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ସମ୍ପତି ଭସ୍ମୀଭୂତ ହୋଇ ଯାଇଛି । ଘଟଣା ସ୍ଥଳରେ ଗ୍ରାମବାସୀ ଓ ଦମକଳ ବାହୀନି ପହଞ୍ଚି ନିଆଁ ଲିଭାଇ ଥିଲେ . ନିଆଁ ଉଗ୍ରରୂପ ଧାରଣ କରିଥିବା ବେଳେ ଅଗ୍ନିଶମ ବାହୀନି କୁ ନିଆଁ ଲିଭାଇବା କୁ ନାକେଦମ ହେବାକୁ ପଡିଥିଲା । ପ୍ରାୟ ଏକ ଘଣ୍ଟା ର ପ୍ରୟାସ ପରେ ନିଆଁକୁ ଆୟତ୍ତ କରିଥିଲେ ଅଗ୍ନିଶମ କର୍ମଚାରୀ । ନିଆଁ ଲିଭିଲା ବେଳକୁ ଦେବେନ୍ଦ୍ର ପଟ୍ଟନାୟକ ଙ୍କ ତିନି ବଖରା ଘର ସମେତ ସମସ୍ତ ଆସବାବପତ୍ର ଓ ସୁନାରୂପା ପୋଡ଼ି ନଷ୍ଟ ହୋଇଯାଇଛି । ଏ ଖବର ପାଇବା ପରେ ତହସିଲଦାର ଙ୍କ ତରଫରୁ ସ୍ତାନୀୟ ଆରଆଇ ଘଟଣା ସ୍ଥଳରେ ପହଞ୍ଚି ଅଗ୍ନି ଵିପନ୍ନ ଙ୍କୁ ସରକାରୀ ସହାୟତା ଯୋଗାଇ ଦେବା ପାଇଁ ଆଲୋଚନା କରିଥିବାର ଜଣାଯାଇଛି .
