ଟାଙ୍ଗୀ ( ଆୱାଜ ମିଡ଼ିଆ ) – ରାକେଶ ସାହୁ : ଚାଷ ଜମିରେ ଚାଷ କାର୍ଯ୍ୟ କରୁଥିବା ବେଳେ ହଠାତ୍ ଟଳି ପଡିଲେ ଯୁବ ଚାଷୀ । ଆଖପାଖରେ ଥିବା ଚାଷୀମାନେ ଏସବୁ ଦେଖିବା ପରେ ଚିକିତ୍ସା ପାଇଁ ଟାଙ୍ଗୀ ମେଡିକାଲରେ ଭର୍ତ୍ତି କରିଥିଲେ ! ମାତ୍ର ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି । ମୃତ ଯୁବ ଚାଷୀ ହେଉଛନ୍ତି ଟାଙ୍ଗୀ ନିକଟସ୍ଥ ରାମଚନ୍ଦ୍ରପୁର ପଞ୍ଚାୟତର ଝରିଆ ଗ୍ରାମର ଅଜୟ କୁମାର ପଲାଇ । ମଧ୍ୟାହ୍ନ ସମୟରେ ଅଜୟ କୁମାର ପଲାଇ ନିଜ ଚାଷ ଜମିରେ କାର୍ଯ୍ୟ କରୁଥିବା ବେଳେ ହଠାତ୍ ତଳେ ପଡି ଚେତାଶୂନ୍ୟ ହୋଇ ଯାଇଥିଲେ । ଆଉ ସେହିଠାରେ ହିଁ ଅଜୟ କୁମାର ପଲାଇ ଙ୍କର ମୃତ୍ୟୁ ହୋଇଥିଲା । ମୃତ୍ୟୁ ର କାରଣ ଅସ୍ପଷ୍ଟ ଥିବା ବେଳେ ଏହା ଅଂଶୁଘାତ ଜନିତ ମୃତ୍ୟୁ ବୋଲି ମୃତକର ଆତ୍ମୀୟ ମାନେ ଅଭିଯୋଗ କରିଛନ୍ତି । ଟାଙ୍ଗୀ ପୋଲିସ ପକ୍ଷରୁ ଶବ ଜବତ କରାଯାଇ ପଞ୍ଚନାମା ପାଇଁ ପଠାଯାଇଛି ।
