ବାଙ୍କୀ ( ଆୱାଜ ମିଡ଼ିଆ ) – ପ୍ରଶାନ୍ତ କର : ପୁରା ଓଡିଶା ବୁଲୁଛନ୍ତି ଫାଇଭ ଟି ସଚିବ ! ରାଜ୍ୟ ରାଜନୀତିରେ ଏବେ ଶାସକ ଦଳର ମନ୍ତ୍ରୀ , ନେତା କିମ୍ବା ବିରୋଧୀ ଦଳ ର ଟାଣୁଆ ନେତାଙ୍କ ନାଁ ଚର୍ଚ୍ଚା କୁ ଆସୁ କି ନ ଆସୁ ସାଧାରଣ ଲୋକଙ୍କ ଠାରୁ ଆରମ୍ଭ କରି ଗଣମାଧ୍ୟମ ପର୍ଯ୍ୟନ୍ତ ସବୁଠି ଗୋଟେ ନାଁ – ଭି କେ ପାଣ୍ଡିଆନ ! କଟକ ଜିଲ୍ଲାର ବାଙ୍କୀ ଗସ୍ତ କରିବେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ପାଣ୍ଡିଆନ ! ସଚିବଙ୍କ ଗସ୍ତ ପୂର୍ବରୁ ବାଙ୍କୀ ଯାଇ ସ୍ଥିତି ସମୀକ୍ଷା କରିଛନ୍ତି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ! ପାଣ୍ଡିଆନ ଙ୍କ ଗସ୍ତକୁ ନେଇ ବାଙ୍କୀ ପ୍ରଶାସନ ଯେତିକି ତତ୍ପର ନୂହେଁ , ତାଠାରୁ ଅଧିକ ତତ୍ପର ହୋଇ ପଡିଛନ୍ତି ବାଙ୍କୀ ବିଜେଡି ନେତା ଓ କର୍ମୀ ! ତେବେ ଫାଇଭ ଟି ସଚିବଙ୍କ ଗସ୍ତ ଚୂଡାନ୍ତ ହେବା ପରେ ମା ଚର୍ଚ୍ଚିକା ପୀଠର ଉନ୍ନତି ନେଇ ବେଶ ଆଶାବାଦୀ ହୋଇ ପଡିଛନ୍ତି ସେବାୟତ ଏବଂ ଶ୍ରଦ୍ଧାଳୁ ! ତେବେ ବିଗତ ଦିନରେ ଖୋଦ ମୁଖ୍ୟମନ୍ତ୍ରୀ ବାଙ୍କୀ ଗସ୍ତ କରିଥିଲେ ସୁଦ୍ଧା , କର୍ମୀ ଏତେ ଉତ୍ସାହିତ ହୋଇ ନଥିଲେ ! ଏବେ ପାଣ୍ଡିଆନ ଙ୍କ ଗସ୍ତ ପୂର୍ବରୁ ଯୋଉ ମାହୋଲ ହୋଇଛି , ତାକୁ ନେଇ ବିରୋଧୀ ବେଶ ବୟାନ ବାଜି କରୁଛନ୍ତି !
