ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ନୟାଗଡ଼ ଜିଲ୍ଲା ଇଟାମାଟି ର ପୁଅ , ଆକାଶବାଣୀ ର ନିର୍ଦ୍ଦେଶକ ସୌଭାଗ୍ୟ କୁମାର ରଥ ତଥା ଆନ୍ତର୍ଜାତୀୟ ଖ୍ୟାତିସମ୍ପନ୍ନ ପର୍ବତାରୋହୀ ଙ୍କୁ ଆଜି ବିଜୁ ମହତାବ ସ୍ବେଚ୍ଛାସେବୀ ଅନୁଷ୍ଠାନ ତରଫରୁ ଆୟୋଜିତ ଏକ ସମ୍ବର୍ଦ୍ଧନା ଉତ୍ସବ ରେ ମାଟିର ମହକ ସମ୍ମାନ ରେ ସମ୍ବର୍ଦ୍ଧିତ କରାଯାଇଛି । ଏ ଅଞ୍ଚଳ ର ଶିକ୍ଷାନୁଷ୍ଠାନ ,ସାଂସ୍କୃତିକ ଅନୁଷ୍ଠାନ ଆଦି ପଚାଶ ରୁ ଅଧିକ ଅନୁଷ୍ଠାନ ବୁଦ୍ଧିଜୀବୀ ଏବଂ ଶତାଧିକ ଛାତ୍ର ,ଛାତ୍ରୀ ଯୋଗଦାନ କରିଥିବା ଏ ଉତ୍ସବ ରେ ସ୍ଥାନୀୟ ବିଧାୟକ ଡଃ ଅରୁଣ କୁମାର ସାହୁ ମୁଖ୍ୟ ଅତିଥି ଭାବରେ ଯୋଗଦାନ କରି ଶ୍ରୀମାନ ରଥ ଙ୍କୁ ମାନପତ୍ର ,ପୁଷ୍ପଗୁଚ୍ଛ , ଏବଂ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିବା ସହ, ଏହା କେବଳ ଇଟାମାଟି ବା ନୟାଗଡ଼ ର ନୁହେଁ ବରଂ ପ୍ରତ୍ୟେକ ଓଡ଼ିଆ ର ଏବଂ ଓଡ଼ିଶା ର ବୋଲି କହିବା ସହ ଆମେ ଅଧିକ ସଫଳତା କାମନା କରିବୁ ବୋଲି କହିଥିଲେ ! ସମାଜସେବୀ ତଥା ବିଜୁ ମହତାବ ସ୍ବେଚ୍ଛାସେବୀ ଅନୁଷ୍ଠାନ ର ସଭାପତି ଙ୍କ ନେତୃତ୍ୱ ରେ ଅନୁଷ୍ଠିତ ଏ ଉତ୍ସବରେ ଜିଲ୍ଲା ପରିଷଦ ଆଶିଷ କୁମାର ଅଗ୍ରୱାଲ , ଅବସରପ୍ରାପ୍ତ ଅଧକ୍ଷ ଶ୍ରୀ ଅଶୋକ କୁମାର ନାୟକ ,ଅଧକ୍ଷ ଅଭିମନ୍ୟୁ ସାହୁ ଯୋଗଦାନ କରିଥିଲେ ! ଶ୍ରବଣ ରାମ , ଅଜିତ୍ ପ୍ରସାଦ ସାହୁ, କିଶୋର ନାୟକ ,ସଚି ସାଥୂଆ , ଉମେଶ ସାହୁ , ଜଗନ୍ନାଥ ଦାସ, ଉମେଶ ଚନ୍ଦ୍ର ପଟ୍ଟନାୟକ ,ବିଶ୍ଵନାଥ ମହାପାତ୍ର ଆଲୋଚନା ରେ ଅଂଶ ଗ୍ରହଣ କରିଥିଲେ ! ଅନୁଷ୍ଠାନ ର ସଦସ୍ୟ ଅନନ୍ତ ସାହୁ, ଲିଙ୍କନ ସାହୁ ସଂଯୋଜନା କରିବା ସହ ପ୍ରାୟ ପଚାଶ ରୁ ଅଧିକ ଅନୁଷ୍ଠାନ ସୌଭାଗ୍ୟ ଙ୍କୁ ସମ୍ବର୍ଦ୍ଧନା ପ୍ରଦାନ କରିଥିଲେ ।
