ସମ୍ବଲପୁର ଏବଂ ଗୁଣୁପୁର ମଧ୍ୟରେ ଟ୍ରେନ୍ ସେବା ପୁନଃଆରମ୍ଭ କରିବା ପାଇଁ ପୂର୍ବତଟ ରେଳପଥର ମହା ପ୍ରବନ୍ଧକଙ୍କୁ ଚିଠି ଲେଖିଲେ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ !!!

ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଆଗକୁ ପାର୍ବଣ ଆସୁଛି । ବିଶେଷ କରି ଦକ୍ଷିଣ ଓଡ଼ିଶାର ଯାତ୍ରୀମାନଙ୍କ ପାଇଁ ବର୍ତ୍ତମାନ ମୁଖ୍ୟ ସମସ୍ୟା ପାଲଟିଛି ଟ୍ରେନ ଯୋଗାଯୋଗ । ସୂଚନା ମୁତାବକ ଝାରସୁଗୁଡା ନିକଟରେ ଟ୍ରେନର କିଛି ଟ୍ରାକ ମରାମତି କାମ ଯୋଗୁଁ ରାଉରକେଲାକୁ ଗୁଣୁପୁର ସହିତ ସଂଯୋଗ କରୁଥିବା ରାଜ୍ୟ ରାନୀ ଏକ୍ସପ୍ରେସ୍ ଟ୍ରେନ ଚଳାଚଳକୁ ସ୍ଥଗିତ ରଖାଯାଇଛି। ଯାହାକି ଆଗାମୀ ପାର୍ବଣ ଋତୁ ରେ ଯାତ୍ରୀ ମାନଙ୍କୁ ବହୁତ ଅସୁବିଧାରେ ପକାଇବ । କାରଣ ଏହି ଟ୍ରେନ୍ ପାରଳାଖେମୁଣ୍ଡି ଏବଂ ଗୁଣୁପୁର ର ଲାଇଫ୍ ଲାଇନ କହିଲେ ଅତ୍ୟୁକ୍ତି ହେବ ନାହିଁ । ବହୁ ଯାତ୍ରୀ ଯାତାୟାତ ପାଇଁ ଏହି ଟ୍ରେନ ଉପରେ ନିର୍ଭର କରନ୍ତି । କିନ୍ତୁ ଟ୍ରେନ ଟ୍ରାକରେ ଦେଖା ଯାଇଥିବା ସମସ୍ୟାର ସମୀକ୍ଷା ପାଇଁ ଆଗାମୀଦିନରେ ରାଉରକେଲା – ଗୁଣୁପୁରର ପର୍ଯ୍ୟନ୍ତ ସମସ୍ତ ସେବାଗୁଡିକୁ ବାତିଲ କରାଯାଇ ପାରେ ଯାହାକି ବହୁ ଯାତ୍ରୀଙ୍କୁ ଅନେକ ସମସ୍ୟାରେ ପକାଇବ । ତେଣୁ ଯାତ୍ରୀ ମାନଙ୍କର ଏହି ସମସ୍ୟାକୁ ଦୃଷ୍ଟିରେ ରଖି ଯାତ୍ରୀଙ୍କ ସୁବିଧା ପାଇଁ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ ପୂର୍ବତଟ ରେଳପଥର ମହା ପ୍ରବନ୍ଧକଙ୍କୁ ଚିଠି ଲେଖିଛନ୍ତି । ଏହି ଚିଠିରେ ଉପରସ୍ଥ ସମସ୍ୟା ବିଷୟରେ ଅବଗତ କରାଇଛନ୍ତି l ଝାରସୁଗୁଡା ନିକଟରେ ଚାଲିଥିବା ମରାମତି କାର୍ଯ୍ୟ ଶେଷ ହେବା ପର୍ଯ୍ୟନ୍ତ ଅପେକ୍ଷା ନ କରି ତୁରନ୍ତ ସମ୍ବଲପୁର ଏବଂ ଗୁଣୁପୁର ମଧ୍ୟରେ ଟ୍ରେନ୍ ସେବା ପୁନଃଆରମ୍ଭ କରିବା ପାଇଁ ପୂର୍ବ ତଟ ରେଳପଥର ମହା ପ୍ରବନ୍ଧକଙ୍କୁ ଅନୁରୋଧ କରିଛନ୍ତି l