ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଥାନା ଅନ୍ତର୍ଗତ ସୁକିନ୍ଦା ପ୍ରାଣୀ ଚିକିତ୍ସା କେନ୍ଦ୍ର ପରିସରରୁ ବିଭିନ୍ନ ସାମଗ୍ରୀ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ସୂଚନା ମୁତାବକ ସୁକିନ୍ଦା ପ୍ରାଣୀ ଚିକିତ୍ସା କେନ୍ଦ୍ର ପରିସରରେ ଥିବା ଗୃହରେ ଲାଗିଥିବା ଲୁହା ଗେଟ ଓ ବିଭିନ୍ନ ସାମଗ୍ରୀକୁ ରବିବାର ବିଳମ୍ୱିତ ରାତିରେ କେହି ଅଜଣା ଲୁଟେରା ଲୁଟି ନେଇଛନ୍ତି । ସୋମବାର ଦିନ ପ୍ରାଣୀ ଚିକିତ୍ସକ ସମିର କୁମାର ବେହେରା ଅଫିସରେ ପହଞ୍ଚିବା ବେଳକୁ ଏପରି ଦୃଶ୍ୟ ଦେଖି ତାଜୁବ ହୋଇ ଯାଇଥିଲେ । କାର୍ଯ୍ୟାଳୟ ପରିସରରୁ ଚୋରି ହୋଇଥିବା ବେଳେ ପ୍ରାଣୀ ଚିକିତ୍ସକ ସମିର କୁମାର ବେହେରା ସୁକିନ୍ଦା ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ସୁକିନ୍ଦା ପୋଲିସ ଲିଖିତ ଅଭିଯୋଗକୁ ଭିତ୍ତି କରି ଘଟଣାର ତଦନ୍ତ ଆରମ୍ଭ କରିଛି ।
