ସୁବୁଦ୍ଧିପାଟଣା ଛକ ନିକଟରେ ଯାତ୍ରୀବାହୀ ବସ ଦୁର୍ଘଟଣାଗ୍ରସ୍ତ : ୩ ଗୁରୁତର !!!

ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଲୁଗାଁ ୧୬ନଂ ଜାତୀୟ ରାଜପଥ ସୁବୁଦ୍ଧିପାଟଣା ଛକ ବାଇପାସ ନିକଟରେ ଶନିବାର ଏକ ଯାତ୍ରୀବାହି ବସ୍ କୁ ଧକ୍କା ଦେଲା ମାଲବାହୀ ଟ୍ରକ୍ । ୩ ଜଣ ଗୁରୁତର । ସୂଚନା ମୁତାବକ ନମସ୍କାର ନାମକ ଏକ ଯାତ୍ରୀବାହୀ ବସଟି ଆସ୍କାରୁ ୪୦ ରୁ ଅଧିକ ଯାତ୍ରୀ ଙ୍କୁ ନେଇ ଭୁବନେଶ୍ଵର ଅଭିମୁଖେ ଯାଉଥିବା ବେଳେ ବାଲୁଗାଁ ୧୬ ନଂ ଜାତୀୟ ରାଜପଥ ସୁବୁଦ୍ଧିପାଟଣା ଛକ ବାଇପାସ ନିକଟରେ ଏକ ମାଲବାହୀ ଟ୍ରକ୍ , ବସ ଟିର ପଛ ପଟକୁ ଶକ୍ତ ଧକ୍କା ଦେଇଥିଲା ! ଯାହା ଫଳରେ ଯାତ୍ରୀବାହୀ ବସଟି ରାସ୍ତା କଡକୁ ଓଲଟି ପଡି ଯାଇ ରାସ୍ତା କଡ଼ରେ ଥିବା ଏକ ଖଜୁରୀ ଗଛରେ ଲାଗି ଓହୋଳି ରହିଥିଲା । ଦୁର୍ଘଟଣା ର ଶିକାର ହୋଇ ୩ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି । ସଙ୍ଗେ ସଙ୍ଗେ ସ୍ଥାନୀୟ ଲୋକଙ୍କ ଠାରୁ ଖବର ପାଇଁ ଅଗ୍ନିଶମ ବାହିନୀ ଓ ବାଲୁଗାଁ ପୋଲିସ ଘଟଣା ସ୍ଥଳରେ ପହଞ୍ଚି ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ଉଦ୍ଧାର କରିବା ସହ ଆହାତ ଯାତ୍ରୀଙ୍କୁ ବାଲୁଗାଁ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ଆମ୍ବୁଲାନ୍ସ୍ ଯୋଗେ ପଠାଇଦେଇ ତଦନ୍ତ ଜାରି ରଖିଥିବା ସୂଚନା ମିଳିଛି ।।