ନରସିଂହପୁର ( ଆୱାଜ ମିଡ଼ିଆ ) – ଗୋପାଳ ଚନ୍ଦ୍ର ବେହେରା : କଟକ ଜିଲ୍ଲା ଅନ୍ତର୍ଗତ ନରସିଂହପୁର ସାମ୍ବାଦିକ ସଙ୍ଘର ସାଧାରଣ ନିର୍ବାଚନ ଓ ଶପଥ ପାଠ ଉତ୍ସବ ୨୦୨୧ ନରସିଂହପୁର ସାମ୍ବାଦିକ ସଙ୍ଘ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ନରସିଂହପୁର ପଞ୍ଚାୟତ ସମିତି ଅଧ୍ୟକ୍ଷ କିଶୋର ଚନ୍ଦ୍ର ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ନରସିଂହପୁର ଥାନା ଅଧିକାରୀ ବିମଳ କୁମାର ବାରିକ ସମ୍ମାନିତ ଅତିଥି ଭାବେ ଏହି ଶପଥ ପାଠ ଉତ୍ସବରେ ଯୋଗ ଦେଇଥିଲେ ।
ନିର୍ବାଚନ ଅଧିକାରୀ ତଥା ବରିଷ୍ଠ ସାମ୍ବାଦିକ ମନମୋହନ ସାହୁ ନିର୍ବାଚନ କୁ ସଠିକ ଢଙ୍ଗରେ ପରିଚାଳନା କରି ନିର୍ବାଚିତ କର୍ମକର୍ତ୍ତା ମାନଙ୍କୁ ଶପଥ ପାଠ କରାଇଥିଲେ । ଅନ୍ୟତମ ବରିଷ୍ଠ ସାମ୍ବାଦିକ ତଥା ସମ୍ବାଦ ପ୍ରତିନିଧି ସୁରେଶ ଚନ୍ଦ୍ର ମହାନ୍ତି ଏହି ଉତ୍ସବର ପରିଚାଳନା ଦାୟିତ୍ୱ ନେଇଥିଲେ । ମୁଖ୍ୟ ଅତିଥି କିଶୋର ଚନ୍ଦ୍ର ମିଶ୍ର ପ୍ରଦୀପ ପ୍ରଜ୍ବଳନ କରି ଉତ୍ସବର ଶୁଭାରମ୍ଭ କରିବା ପରେ ନିର୍ବାଚିତ ହୋଇଥିବା ସଙ୍ଘର ସମସ୍ତ କର୍ମକର୍ତ୍ତା ମାନଙ୍କୁ ଫୁଲତୋଡ଼ା ଏବଂ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ମାର୍ଚ୍ଚ 12 ତାରିଖରେ ନରସିଂହପୁର ସାମ୍ବାଦିକ ସଙ୍ଘର ନିର୍ବାଚନ ପାଇଁ ବିଜ୍ଞପ୍ତି ଜାରି କରାଯିବା ପରେ ନିର୍ବାଚନ ପ୍ରକ୍ରିୟା ଆରମ୍ଭ ହୋଇଥିଲା । ଏହି ନିର୍ବାଚନ ପ୍ରକ୍ରିୟାରେ ସଙ୍ଘର ସମସ୍ତ 29 ଜଣ ସଭ୍ୟ ସଭ୍ୟା ଅଂଶ ଗ୍ରହଣ କରିଥିଲେ । ମାର୍ଚ୍ଚ 19 ତାରିଖ ସକାଳ 7 ଘଟିକାରୁ ନିର୍ବାଚନ ଆରମ୍ଭ ହୋଇ ସକାଳ 10 ଘଟିକା ରେ ସମାପ୍ତ ହେବାପରେ ଦିବା 11 ଘଟିକା ସମୟରେ ଶପଥ ପାଠ ଉତ୍ସବ ଅନୁଷ୍ଠିତ ହୋଇଥିଲା ।
