ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଗାନ୍ଧୀ ଛକ ନିକଟରେ ପାରଳାଖେମୁଣ୍ଡି ମିଳିତ ନାଗରିକ ମଞ୍ଚ ତରଫରୁ ରାସ୍ତା ରୋକ ଓ ଧାରଣା ଦେଇଥିବାର ଦେଖିବାକୁ ମିଳିଛି । ପ୍ରକାଶ ଥାଉକି ପୁରୁଣା କୋର୍ଟ ଛକ ଠାରୁ ସରକାରୀ ହସ୍ପିଟାଲ ପର୍ଯ୍ୟନ୍ତ ରାସ୍ତା ନିର୍ମାଣ ପାଇଁ ବାରମ୍ବାର ଜିଲ୍ଲା ପ୍ରଶାସନ ନିକଟରେ ଅଭିଯୋଗ କଲେ ସୁଦ୍ଧା କାର୍ଯ୍ୟକାରୀ ନ ହେବା ଯୋଗୁଁ ଜନ ସାଧାରଣ ବାରମ୍ବାର ଦୁର୍ଘଟଣାର ଶିକାର ହେଉଛନ୍ତି ବୋଲି ଅଭିଯୋଗ କରିଛନ୍ତି ! ତୁରନ୍ତ ରାସ୍ତା ନିର୍ମାଣ କରିବା ସକାଶେ ଟାୟାର ଜଳାଇ ପ୍ରତିବାଦ କରିଥିବାର ଦେଖିବାକୁ ମିଳିଛି । ସକାଳ 10 ଘଣ୍ଟା ଠାରୁ 12 ଘଣ୍ଟା ପର୍ଯ୍ୟନ୍ତ ରାସ୍ତା ରୋକ ଓ ପ୍ରତିବାଦ କରିଥିବାର ଦେଖିବାକୁ ମିଳିଛି ! ତେଣୁ ଅତି ଶୀଘ୍ର କୋର୍ଟ ଛକ ଠାରୁ ହସ୍ପିଟାଲ ପର୍ଯ୍ୟନ୍ତ ରାସ୍ତା ନିର୍ମାଣ କରିବା ସକାଶେ ପାରଳାଖେମୁଣ୍ଡି ମିଳିତ ମଞ୍ଚ ତରଫରୁ ଦାବୀ କରାଯାଇଛି ।
