ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ନାଚୁଣୀ ପଞ୍ଚାୟତର ଲୋକିପୁର ଗ୍ରାମରେ ଭୟାବହ ଅଗ୍ନିକାଣ୍ଡ ଘଟି ଯାଇଛି । ସୂଚନା ଅନୁସାରେ ସୋମବାର ଗ୍ରାମ ର ଜଗନ୍ନାଥ ପରିଡ଼ାଙ୍କ ସ୍ତ୍ରୀ ଟୁନି ପରିଡା ରୋଷେଇ କରୁଥିବା ବେଳେ ଘରକୁ ସଂଯୋଗ ହୋଇଥିବା ବିଦ୍ୟୁତ ତାର ଛିଣ୍ଡି ଯାଇ ମୋଟର ସାଇକେଲ ଉପରେ ପଡିଥିଲା । ଏଥିରେ ବିଦ୍ୟୁତ ସଟ୍ ସର୍କିଟ ସୃଷ୍ଟି ହୋଇ ଚାହୁଁ ଚାହୁଁ ଗାଡିରେ ନିଆଁ ଲାଗି ହୁତହୁତ୍ ହୋଇ ଜଳିବାକୁ ଲାଗିଥିଲା । ପରେ ପରେ ମହିଳା ଜଣଙ୍କ ବାହାରେ ଲୋକ ମାନଙ୍କୁ ଡାକିବା ବେଳକୁ ଘରର ୨ଟି ବାଇକ ସମେତ ପୂରା ଘରକୁ ନିଆଁ ବ୍ୟାପି ଯାଇ ଘର ର ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇଯାଇଥିଲା । ଖବର ପାଇ ପରେ ଗଙ୍ଗାଧରପୁର ଅଗ୍ନିଶମ ବାହିନୀ ପହଂଚି ନିଆଁ କୁ ଆୟତ୍ତ କରିଥିଲେ । ଅଗ୍ନିକାଣ୍ଡରେ ଲକ୍ଷାଧିକ ଧନ ସମ୍ପତ୍ତି ନଷ୍ଟ ହୋଇଥିବା ଚର୍ଚ୍ଚା ହେଉଛି । ବିପନ୍ନ ପରିବାର ଙ୍କୁ ସରକାରୀ ସାହାଯ୍ୟ ଯୋଗାଇଦେବାକୁ ସାଧାରଣ ରେ ଦାବି ହେଉଛି ।
