ଭୁବନେଶ୍ୱର ଏକାମ୍ର ( ଆୱାଜ ମିଡ଼ିଆ ) – ଶୁଭ୍ରାଂଶୁ ମହାନ୍ତି : ମନ୍ଦିର ପରିସରରେ ଶ୍ରଦ୍ଧାଳୁଙ୍କ ସୁବିଧା ପାଇଁ ରୋଟାରୀ କ୍ଲବ ଅଫ ଭୁବନେଶ୍ୱର ର ନିଆରା ପ୍ରୟାସ ! ପୁରୁଣା ଭୁବନେଶ୍ୱର ବାବା ଭୀମେଶ୍ୱରଙ୍କ ମନ୍ଦିର ପରିସରରେ ଶ୍ରଦ୍ଧାଳୁଙ୍କ ସୁବିଧା ପାଇଁ ନିର୍ମାଣ ହେବ ଶୌଚାଳୟ ! ରୋଟାରୀ କ୍ଲବ ଅଫ ଭୁବନେଶ୍ୱର ତରଫରୁ ଏପରି ଯୋଜନା କରାଯାଇ ଆଜି ମନ୍ଦିର ପାଖରେ ଭୂମି ପୂଜନ କରାଯାଇଛି ! ଆସନ୍ତା ତିନି ମାସ ମଧ୍ୟରେ ଏହାର ନିର୍ମାଣ କାର୍ଯ୍ୟ ସଂପୂର୍ଣ୍ଣ କରାଯାଇ ଲୋକାର୍ପଣ ହେବ ବୋଲି କହିଛନ୍ତି ରୋଟାରୀ କ୍ଲବ ର କର୍ମକର୍ତ୍ତା ! ବିଶ୍ବର ସର୍ବ ବୃହତ ସାମାଜିକ ସଂଗଠନ ରୋଟାରୀ ର କାର୍ଯ୍ୟପ୍ରଣାଳୀ ନିଆରା ! ସବୁ ସମୟରେ ଆବଶ୍ୟକୀୟ କାମ କରି ଅନ୍ୟ ମାନଙ୍କ ଦୃଷ୍ଟି ଆକର୍ଷଣ କରିଥାଏ ରୋଟାରୀ ! ଭୂମି ପୂଜନ କାର୍ଯ୍ୟରେ ରୋଟାରୀ କ୍ଲବ ଅଫ ଭୁବନେଶ୍ୱର ର କାର୍ଯ୍ୟକର୍ତ୍ତା , ମନ୍ଦିର ପରିଚାଳନା କମିଟି ର ସମ୍ପାଦକ , ବହୁ ବରିଷ୍ଠ ରୋଟାରୀଆନ ଉପସ୍ଥିତ ରହିଥିଲେ ! କ୍ଲବ ର ଜଣେ ପୂର୍ବତନ ସଭାପତିଙ୍କ ଅନୁଦାନରେ ଏହି ନିର୍ମାଣ କାର୍ଯ୍ୟ କରାଯାଉଥିବାର ସୂଚନା ମିଳିଛି ! ଆଗାମୀ ଦିନରେ ମଧ୍ୟ ମନ୍ଦିର ପରିସରରେ ଫୁଲଗଛ ରୋପଣ , ମନ୍ଦିର ସଂଲଗ୍ନ ପୁଷ୍କରିଣୀ ର ସଫେଇ ଏବଂ ବିଭିନ୍ନ ଆବଶ୍ୟକୀୟ କାମ କରାଯିବ ବୋଲି କହିଛନ୍ତି କ୍ଲବ ର ବରିଷ୍ଠ ସଦସ୍ୟ !
