ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ପାର୍ବଣ ଋତୁ ଚାଲି ଥିବା ବେଳେ ବାଣପୁର ଗ୍ରାମାଞ୍ଚଳ ରେ ଜୁଆ ଖେଳ ପ୍ରବଳ ମାତ୍ରା ରେ ବଢ଼ି ଚାଲିଛି ! ଏକଡାଳିଆ ଗ୍ରାମ ନିକଟସ୍ଥ ବିଲ ଗହିର ରେ ଜୁଆ ଖେଳ ଚାଲିଥିବା ବେଳେ ପୁଲିସ ଚଢାଉ କରି ୬ ଜଣ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ଠାରୁ ୧୭ ହଜାର ୭ ଶହ ୧୫ ଟଙ୍କା ଜବତ କରିଛି । ସୋମବାର ରାତିରେ ବାଣପୁର ଥାନା ଏକଡାଳିଆ ଗାଁ ନିକଟସ୍ଥ ବିଲ ଗହିରରେ ଜୁଆ ଖେଳ ଚାଲିଥିବା ବେଳେ କୈାଣସି ସୂତ୍ରରୁ ଖବର ପାଇ ବାଣପୁର ପୁଲିସ ସେଠାରେ ଚଢାଉ କରିଥିଲା । ଚଢାଉ ସମୟରେ ସେଠାରେ ଜୁଆ ଖେଳୁଥିବା ନିକଟସ୍ଥ ଏକଡାଳିଆ ଗ୍ରାମର ସୁମନ୍ତ ଜେନା, ପ୍ରବୀଣ ଜେନା, ସୁଶାନ୍ତ ସାମଲ, ବୁଲାରାମ ଦାସଙ୍କ ସମେତ ଭୀମପୁର ଗ୍ରାମର ରିଙ୍କୁ ବାରିକ ଓ ବାଲୁଗାଁ ଥାନା ଚାଷଙ୍ଗରା ଗ୍ରାମର କୃଷ୍ଣ ରଣାଙ୍କୁ ଗିରଫ ଙ୍କୁ କରିବା ସହ ସେମାନଙ୍କ ଠାରୁ ତାସ ପାଲି ଓ ଟଙ୍କା ଜବତ କରିଥିଲା । ଥାନାରେ ଏକ ମକଦ୍ଦମା ରୁଜୁ କରି ସମସ୍ତଙ୍କୁ ଅଦାଲତ ଚାଲାଣ କରାଯାଇଥିବା ଥାନାଧିକାରୀ ରମେଶ ଚନ୍ଦ୍ର ଦେବତା ସୂଚନା ଦେଇଛନ୍ତି ।
