କଣିହାଁ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ବୃକ୍ଷ ହିଁ ଜୀବନ, ଗଛଟିଏ ସାଥିଟିଏ । ଏପରି ନାରା ଦେଇ ୟୁଥ୍ ଗ୍ରୁପ ଚାରିଟେବୁଲ ଟ୍ରଷ୍ଟ ଅନୁଗୋଳ ଶାଖା ତରଫରୁ ଗୋଡିବନ୍ଧ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପ୍ରାଙ୍ଗଣରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମକୁ ଅନୁଷ୍ଠାନର ସଦସ୍ୟ ଜିତେନ୍ଦ୍ର ମାଝୀ ପରିଚାଳନା କରିଥିଲେ । ଏଥିରେ ମେଡିକାଲ ଅଫିସର ଡ. ସମ୍ୱିତ ସତ୍ୟପ୍ରିୟ, ସାମ୍ବାଦିକ ସୁଶିଲ କୁମାର ନନ୍ଦ, ପରିବେଶ ପ୍ରେମୀ ବାଉରୀ ବନ୍ଧୁ ବେଜ, ଅବସରପ୍ରାପ୍ତ ଶିକ୍ଷକ ଗଙ୍ଗାଧର ନନ୍ଦ ଯୋଗଦେଇ ବୃକ୍ଷରୋପଣ କାର୍ଯ୍ୟକ୍ରମ ର ଶୁଭାରମ୍ଭ କରିବା ସହ ଟ୍ରଷ୍ଟ ର କାର୍ଯ୍ୟଶୈଳୀକୁ ପ୍ରଶଂସା କରିଥିଲେ । ଏହି ଅବସରରେ ଶ୍ରୀ ମାଝୀ ୟୁଥ୍ ଗ୍ରୁପ ଚାରିଟେବୁଲ ଟ୍ରଷ୍ଟ ର ରକ୍ତଦାନ, ଅନ୍ନଦାନ ତଥା ଅନ୍ୟାନ୍ୟ ଜନକଲ୍ୟାଣ କାର୍ଯ୍ୟକ୍ରମ ଗୁଡିକ ବିଷୟରେ ସଂକ୍ଷେପରେ କହିବା ସହିତ ଆଗାମୀ ଦିନରେ ଅନୁଷ୍ଠାନ ତରଫରୁ ବିଭିନ୍ନ ସେବା କାର୍ଯ୍ୟ ଜାରି ରହିବ ବୋଲି ସୂଚନା ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଟ୍ରଷ୍ଟ ର ସଦସ୍ୟ ସନ୍ତୋଷ ନାୟକ, ସିଦ୍ଧେଶ୍ୱର ଗୋଛୟତ, ଧଳ ଗୋଛୟତ, ସିତୁ ପ୍ରଧାନ, ମେଡିକାଲ ଷ୍ଟାଫ୍ ହେମନ୍ତ ସାହୁ ଓ ରମେଶ ଚନ୍ଦ୍ର ମୁଖାର୍ଜୀ ପ୍ରମୁଖ ଯୋଗଦେଇ ଗଛ ଲଗାଇବା କାର୍ଯ୍ୟକ୍ରମ ରେ ସକ୍ରିୟ ସହାୟତା କରିଥିଲେ ।
