ବାଙ୍କୀ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ସ୍ନାତକ ଶିକ୍ଷା ସମାପନର ସିଲଭର ଜୁବୁଲି ପାଳିଛନ୍ତି ୧୯୯୬ ମସିହା ବ୍ୟାଚ ବାଙ୍କୀ ମହାବିଦ୍ୟାଳୟ ବିଜ୍ଞାନ ବିଭାଗର ଛାତ୍ରଛାତ୍ରୀ . ମହାବିଦ୍ୟାଳୟ ରୁ ଶିକ୍ଷା ସମାପ୍ତ କରିବା ପରେ ଏହା ଚତୁର୍ଥ ବନ୍ଧୁମିଳନ କାର୍ଯ୍ୟକ୍ରମ ହୋଇଥିବା ସମୟରେ ଚଳିତ ବର୍ଷ ଏହା କଟକ – ବାଙ୍କୀ ରାସ୍ତା ପାର୍ଶ୍ଵରେ ଅବସ୍ଥିତ ହୋଟେଲ ଲା ଗ୍ରେସ ଇନ ପରିସରରେ ଆୟୋଜିତ ହୋଇଯାଇଛି . ୧୯୯୬ ମସିହା ବ୍ୟାଚ ର ବାଦଲ କୁମାର ବେଉରା ଙ୍କ ସଂଯୋଜନାରେ ଆୟୋଜିତ ଏହି ବନ୍ଧୁମିଳନରେ ରାଜ୍ୟ ତଥା ଦେଶ ବାହାରେ ରହୁଥିବା କିଛି ପୁରାତନ ଛାତ୍ର ଯୋଗ ଦେଇଥିଲେ . ଚେନ୍ନାଇ , କୋଲକାତା , ବାଙ୍ଗାଲୋର ଏବଂ ସିଙ୍ଗାପୁର ରୁ କିଛି ପୁରାତନ ଛାତ୍ର ଆସି ଉପସ୍ଥିତ ରହିବା ସହିତ ମହାବିଦ୍ୟାଳୟ ସମୟର ଘଟଣାକୁ ମନେ ପକାଇ ପରସ୍ପର ସହିତ ହସ ଖୁସି ବାଣ୍ଟିଥିଲେ .
