ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ଜିଲ୍ଲାରେ ପଞ୍ଚାୟତ ନିର୍ବାଚନ କୁ ନେଇ ଦିନକୁ ଦିନ ରାଜନୀତି ସରଗରମ ହେବାରେ ଲାଗିଛି । ମୁଖ୍ୟତଃ ଶାସକ ବିଜେଡି ଏବଂ ବିଜେପି ମଧ୍ୟରେ ପ୍ରତିଦ୍ୱନ୍ଦିତା ଜୋର ଧରିଛି । ବିଜେପି ନେତ୍ରୀ ଇରାନୀ ରାୟ ପ୍ରାର୍ଥୀ ମାନଙ୍କ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି । କିନ୍ତୁ ନୟାଗଡ ପ୍ରଚାର ରାଜନୀତି ଦୃଶ୍ୟପଟରୁ ରାଣୀ ପ୍ରତ୍ୟୁଷା ରାଜେଶ୍ୱରୀ ସିଂ ସମ୍ପୁର୍ଣ୍ଣ ରୁପେ ଗାୟବ । ଇରାନୀ ଙ୍କ ସାଙ୍ଗଠନିକ ଦୁର୍ବଳତା ଲାଗି ରାଣୀ ସହଯୋଗ କରୁନଥିବା ଆଲୋଚନା ହେଉଛି । କର୍ମୀ ମାନେ ପ୍ରଚାର ମଇଦାନରେ ରାଣୀ ପ୍ରତ୍ୟୁଷା ରାଜେଶ୍ୱରୀ ସିଂ ଙ୍କୁ ନପାଇ ହତୋତ୍ସାହିତ ହେଉଥିବା ଜଣାପଡିଛି । ବିଗତ ବିଧାନସଭା ନିର୍ବାଚନରେ ରାଣୀ ଏବଂ ଇରାନୀଙ୍କ ଯୋଡ଼ି ପ୍ରଚାର ମଇଦାନରେ ବିଜେଡି ଦଳକୁ ବହୁ ସ୍ଥାନରେ ମହଙ୍ଗା ପଡୁଥିଲା । ରାଣୀ ପ୍ରତ୍ୟୁଷା ଙ୍କର ଅନୁପସ୍ଥିତି ବିଜେପି ପ୍ରାର୍ଥୀ ମାନଙ୍କୁ ଭାରି ପଡ଼ିପାରେ ବୋଲି ରାଜନୈତିକ ସମୀକ୍ଷକ ମାନଙ୍କ ମଧ୍ୟରେ ଚର୍ଚ୍ଚା ବିଷୟ ପାଲଟିଛି ।
