କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : କଟକ ସଦର ବ୍ଲକ ଆୟତପୁର ପଞ୍ଚାୟତର ଦଣ୍ଡୁଆସିପଡା ଗ୍ରାମର ଧର୍ମପ୍ରାଣ ମହିଳା ଭାଗ୍ୟଶ୍ରୀ ଜେନା ଙ୍କର (୭୨) ହୃଦଘାତରେ ପରଲୋକ ହୋଇଛି । ସେ ଜଣେ ଧର୍ମପରାୟଣ ଓ ମିଷ୍ଟଭାଷୀ ମହିଳା ଭାବରେ ଏହି ଅଞ୍ଚଳରେ ପରିଚିତ । ମୃତ୍ୟୁଶଯ୍ୟା ନିକଟରେ ତାଙ୍କ ସ୍ଵାମୀ ପାରାଦୀପ ପୋର୍ଟ ଟ୍ରଷ୍ଟର ଅବସରପ୍ରାପ୍ତ ସହକାରୀ ଯନ୍ତ୍ରୀ ଶରତ ଚନ୍ଦ୍ର ଜେନା ଓ ପୁତ୍ର ରୁପେସ ଜେନା ଉପସ୍ଥିତ ଥିଲେ । ମୃତ୍ୟୁ ଖବର ପ୍ରଚାର ହେବା ପରେ ତାଙ୍କ ବାସଭବନରେ ଅନେକ ଅଞ୍ଚଳ ବାସୀ ପହଞ୍ଚି ଶେଷ ଦର୍ଶନ ସହ ଶୋକ ପ୍ରକାଶ କରିଥିଲେ । ତାଙ୍କ ଝିଅ ଜସ୍ମିନ , ଜ୍ୱାଇଁ କଟକ ସରକାରୀ ଛାପାଖାନାର ଉପ – ନିର୍ଦ୍ଦେଶକ ଗିରିଜା ପ୍ରସାଦ ପ୍ରଧାନ, ଦିଅର ଅବସର ପ୍ରାପ୍ତ ବରିଷ୍ଠ ବ୍ୟାଙ୍କ ଅଧିକାରୀ ସୀତାକାନ୍ତ ଜେନା, କଟକ ସରକାରୀ ଛାପାଖାନାର ଅଧିକାରୀ ପ୍ରଶାନ୍ତ ଜେନା, ପୁତ୍ରବଧୂ ପଦ୍ମିନୀ ଜେନା, ବାବାଜୀ ଚରଣ ବିଶ୍ୱାଳ , ଚଣ୍ଡୀ ଚରଣ ଜେନା, ଭାଣୀଜି ଚନ୍ଦନା ଦାସ, ଅସିତ୍ ଜେନା, ଦୀପକ ଜେନା, ରାଜ୍ୟ କଂଗ୍ରେସ ସମ୍ପାଦକ ପ୍ରିୟଜିତ୍ ରାୟ, ଭାଜପା କଟକ ଜିଲ୍ଲା ଉପ ସଭାପତି ଗୋକୁଳ ଚନ୍ଦ୍ର ପ୍ରଧାନ, ଭଣଜା ରଞ୍ଜିତ ରାଉତରାୟ , ଅନ୍ୟତମ ଭଣଜା ସାମ୍ବାଦିକ ତାପସ ରାଉତରାୟ, ଚିତ୍ତରଞ୍ଜନ ପ୍ରଧାନ ପ୍ରମୁଖ ଶେଷ ଦର୍ଶନ କରିବା ସହିତ ଗ୍ରାମ ଶ୍ମଶାନରେ ଶେଷକୃତ୍ୟ ସମ୍ପନ୍ନ କରାଯାଇଥିଲା । ତାଙ୍କ ପୁତ୍ର ତଥା ଜଗନ୍ନାଥ ଟ୍ରକ ମାଲିକ ସଂଘ ପାରାଦୀପର ପୂର୍ବତନ ସଭାପତି ରାକେଶ ଜେନା ମୁଖାଗ୍ନି ଦେଇଥିଲେ ।
