ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ବର୍ଷ 2020 ର ମର୍ଡର ମିଷ୍ଟ୍ରୀ ବହୁଚର୍ଚ୍ଚିତ ନୟାଗଡ଼ ଯଦୁପୁର ପରୀ ହତ୍ୟା ମାମଲାରେ ଜଣେ ଅଭିଯୁକ୍ତକୁ ଗିରଫ କରିଛି କ୍ରାଇମବ୍ରାଞ୍ଚ ଏସଆଇଟି . ନାବାଳିକା ଅପହରଣ ଓ ହତ୍ୟା ଘଟଣାରେ ଗିରଫଦାରୀ ସମ୍ପର୍କରେ ଏସଆଇଟି ପ୍ରେସ୍ ରିଲିଜ୍ ଜରିଆରେ ସୂଚନା ଦେଇଛି । ତେବେ ତଦନ୍ତକାରୀ ସଂସ୍ଥା ତରଫରୁ ଅଭିଯୁକ୍ତର ନାଁ ପ୍ରକାଶ କରାଯାଇନାହିଁ । ଆସନ୍ତାକାଲି ପୋକ୍ସୋ କୋର୍ଟରେ ଅଭିଯୁକ୍ତକୁ ହାଜର କରାଯିବ । ଭାରତୀୟ ପିଙ୍ଗଳ କୋର୍ଡର ଧାରା ୩୭୬-A, ୩୭୬-AB, ୩୬୪, ୩୦୨, ୨୦୧ ଓ ପୋକ୍ସୋ ଆକ୍ଟ ସେକ୍ସନ୍ -୬ରେ ଅଭିଯୁକ୍ତ ବିରୋଧରେ ମାମଲା ରୁଜୁ କରାଯାଇଛି । ଗତକାଲି ଏସଆଇଟି ଟିମ ଯଦୁପୁର ଗାଁର ସରୋଜ ସେଠୀ, ତାଙ୍କ ମା ଶୈଳବାଳା ସେଠୀ ଏବଂ ଭଉଣୀଙ୍କୁ ଆଣି ଜେରା କରିଥିଲା । ପଲିଗ୍ରାଫ ଟେଷ୍ଟ ପରେ ସରୋଜଙ୍କୁ ଅଟକ ରଖାଯାଇଥିଲା । ୧୨ ଘଣ୍ଟାର ପଚରାଉଚରା ଏବଂ ଲାଏ ଡିଟେକ୍ସନ ପରେ ଛାଡ଼ିଥିଲା । ଏହା ପୂର୍ବରୁ ପରୀକୁ ଦୁଷ୍କର୍ମ ପରେ ହତ୍ୟା କରାଯାଇଥିବା ତଥ୍ୟ ମାନ୍ୟବର ଉଚ୍ଚ ନ୍ୟାୟାଳୟଙ୍କ ପାଖରେ ଦାଖଲ କରିଛି ଏସଆଇଟି । ପରୀ ହତ୍ୟା ମାମଲାର ତଦନ୍ତ ଅରୁଣ ବୋଥ୍ରାଙ୍କ ନେତୃତ୍ୱରେ ୫ଜଣିଆ ଏସଆଇଟି ଟିମ୍ କରୁଛନ୍ତି । ଅନ୍ୟ ପକ୍ଷରେ ଘଟଣାର ସିବିଆଇ ତଦନ୍ତ ଓ ମନ୍ତ୍ରୀ ଅରୁଣ ସାହୁଙ୍କ ଇସ୍ତଫା ଦାବୀ କରି ବିଜେପି ପକ୍ଷରୁ ଆରମ୍ଭ ହୋଇଛି ପଦଯାତ୍ରା .
