ଭୁବନେଶ୍ୱର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଓଡିଶା ସାମ୍ବାଦିକ ୟୁନିଅନର 49 ତମ ପ୍ରତିଷ୍ଠା ଦିବସ ଓୟୁଜେ ଭବନ ପରିସରରେ ପାଳିତ ହୋଇଯାଇଛି . ରାଜ୍ୟ ଗୃହ ଏବଂ ଶକ୍ତି ବିଭାଗର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଯୋଗଦେଇ – ସାମ୍ବାଦିକ ମାନେ ହିଁ ପ୍ରକୃତ କରୋନା ଯୋଦ୍ଧା ବୋଲି ପ୍ରକାଶ କରିଛନ୍ତି . ଓୟୁଜେ ର ରାଜ୍ୟ ସଭାପତି ପ୍ରସନ୍ନ କୁମାର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ଏହି ଉତ୍ସବରେ ରାଜ୍ୟ ସାଧାରଣ ସମ୍ପାଦକ ଅଶୋକ କୁମାର ନନ୍ଦ , ରାଜ୍ୟ ଉପ ସଭାପତି କିଷାନ ରାଉତ , ତପନ ସାହୁ , କୋଷାଧ୍ୟକ୍ଷ ଅମୁଲ୍ୟ ରଞ୍ଜନ ସ୍ୱାଇଁ , ଜାତୀୟ କାର୍ଯ୍ୟକାରିଣୀ ସଦସ୍ୟ ଲୋକନାଥ ସିଂହ , ସମ୍ପାଦକ ଇଙ୍ଗିତ ପଣ୍ଡା ଯୋଗଦେଇ ରାଜ୍ୟରେ କାର୍ଯ୍ୟରତ ସାମ୍ବାଦିକ ମାନଙ୍କର ବିଭିନ୍ନ ସମସ୍ୟା ଉପରେ ଆଲୋକପାତ କରିଥିଲେ . ବରିଷ୍ଠ ସାମ୍ବାଦିକ ରବି ଦାସ ସ୍ୱତନ୍ତ୍ର ଅତିଥି ଭାବରେ ଯୋଗଦେଇ ରାଜ୍ୟରେ ସାମ୍ବାଦିକ ସୁରକ୍ଷା ପ୍ରସଙ୍ଗରେ ସରକାର ତୁରନ୍ତ ପଦକ୍ଷେପ ଗ୍ରହଣ କରିବା ଆବଶ୍ୟକ ବୋଲି ମତ ରଖିଥିଲେ . ଓୟୁଜେ ର ସ୍ୱର୍ଣ୍ଣ ଜୟନ୍ତୀ ଲୋଗୋକୁ ମୁଖ୍ୟ ଅତିଥି ମନ୍ତ୍ରୀ ଦିବ୍ୟଶଙ୍କର ମିଶ୍ର ଉନ୍ମୋଚନ କରିବା ସହିତ ରାଜ୍ୟର ୩୧ ଟି ସାଙ୍ଗଠନିକ ଜିଲ୍ଲାର ସଭାପତି ଏବଂ ସମ୍ପାଦକ ମାନଙ୍କୁ ସମ୍ମାନୀତ କରାଯାଇଥିଲା .
