ଭୁବନେଶ୍ୱର ( ଆୱାଜ ମିଡ଼ିଆ ) – ନିରଞ୍ଜନ ସାହୁ : ଥିଲେ ଦିଅ , ନଥିଲେ ନିଅ ! ଏହି ବାର୍ତ୍ତାକୁ ଆଧାର କରି ଖଣ୍ଡଗିରି ସ୍ଥିତ ସାମାଜିକ ଯୁବ ସଂଗଠନ ଏକ ଭିନ୍ନ ପ୍ରୟାସ ଆରମ୍ଭ କରିଛି । ପୁରୁଣା ବସ୍ତ୍ର ଯୋଗାଡ଼ କରି ତାକୁ ସଫା ଓ ଇସ୍ତ୍ରୀ କରି ଭୁବନେଶ୍ୱର ବିଭିନ୍ନ ବସ୍ତିରେ ନଥିବା ଲୋକଙ୍କୁ ପ୍ରଦାନ କରୁଛି ସଂଗଠନ । ଏହି ପ୍ରାୟସରେ ଭୁବନେଶ୍ୱର ର ୱାର୍ଡ ନମ୍ବର ୪୨ ର କର୍ପୋରେଟର ଆଶିଷ ପଟ୍ଟନାୟକଙ୍କ ଉପସ୍ଥିତ ରେ ବୁଦ୍ଧନଗର କଦଳୀ ଗୋଦାମ ବସ୍ତିରେ ପାଞ୍ଚଶହ ରୁ ଉର୍ଦ୍ଧ ବସ୍ତ୍ର ବଣ୍ଟା ଯାଇଥିଲା । ଛୋଟପିଲା , ପୁରୁଷ , ମହିଳା ଓ ବୃଦ୍ଧ ମାନେ ବହୁ ଆଦରର ସହ ନିଜ ନିଜ ଅନୁସାରେ ବସ୍ତ୍ର ନେଇଥିଲେ । ଏହି ସାମାଜିକ କାର୍ଯ୍ୟକ୍ରମ ରେ ସଂଗଠନର ସଭାପତି ଚିତ୍ତରଞ୍ଜନ ଦାସ , କଳ୍ପନା ସଙ୍ଘ ସଭାପତି ଧୀରେନ ରାଉତରାୟ , ଯୁବ ସମାଜସେବୀ ମାନସ ରଞ୍ଜନ ସାହୁ , ଭୁବନାନନ୍ଦ ସାମନ୍ତ , ଜଗା ପ୍ରଧାନ, ସରୋଜ ସାହୁ ପ୍ରମୁଖ ସହଯୋଗ କରିଥିଲେ । ସଂଗଠନର ପ୍ରତିଷ୍ଠାତା ବାପୁ ଓଝା ଏହାକୁ ପରିଚାଳନା କରିଥିଲେ ।
