ନୟାଗଡ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ନୟାଗଡ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ହରିପୁର ଗ୍ରାମପଞ୍ଚାୟତର ଭାଟସାହି ଗ୍ରାମରେ ମା ବ୍ରାହ୍ମଣୀଦେବୀ କ୍ରିକେଟ କ୍ଳବ ଦ୍ୱାରା 15 ତମ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି. ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ହରିପୁର ଗ୍ରାମପଞ୍ଚାୟତର ସରପଞ୍ଚ ଙ୍କ ପ୍ରତିନିଧି କିଶୋରଚନ୍ଦ୍ର ମହାପାତ୍ର , ହରିପୁର ଗ୍ରାମପଞ୍ଚାୟତ ର ପୂର୍ବତନ ସମିତି ସଭ୍ୟ ଦିଲ୍ଲୀପ ଗୁରୁ, ଭାଟସାହି ଗ୍ରାମର ସମାଜସେବୀ ତଥା ଜନମତ ରିପୋର୍ଟର ଦିବ୍ୟରଞ୍ଜନ ନାୟକ ମୁଖ୍ୟ ଅତିଥି ଭାବେ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ. ହରିପୁର ଗ୍ରାମପଞ୍ଚାୟତ ର ସରପଞ୍ଚ ଙ୍କର ପ୍ରତିନିଧି ନିଜର ବ୍ୟକ୍ତିଗତ ଅଭିଭାଷଣ ରଖିଥିଲେ କିଭଳି ଭାବରେ ତାମିଲନାଡୁର ଟି.ନଟରାଜନ ଗୋଟିଏ ଛୋଟପିଲା ର ମନବଳ ତାକୁ ତାର ସ୍ୱପ୍ନ କୁ ସାକାର କରିବାରେ ସାହାଯ୍ୟ କରିଦେଲା . ସେ ଜାତୀୟ ସ୍ତରରେ କ୍ରିକେଟ ଖେଳାଳି ଭାବରେ ସ୍ଥାନ ପାଇପାରଲା . ସଫଳତା ପାଇଁ ଦୃଢ ମନବଳ ଦରକାର ବୋଲି ସମସ୍ତ ଖେଳାଳି ମାନଙ୍କୁ ଉଦବୋଧନ ଦେଇଥିଲେ . ରାଜ୍ୟ ଏବଂ ଜାତୀୟ ସ୍ତରରେ ସ୍ଥାନ ପାଇବା ପାଇଁ ଇଚ୍ଛାଶକ୍ତି ପାଖରେ ରହିବା ଦରକାର . ଆଜିର ମ୍ୟାଚରେ ପାଣ୍ଡିରିପଡା କ୍ରିକେଟ କ୍ଳବ ସହ କାଦୁଆ କ୍ରିକେଟ କ୍ଳବର ମୁକାବିଲା ହୋଇଥିଲା. ଏହି ଖେଳ 15 ଉଭର ବିଶିଷ୍ଟ ଥିଲା. ପ୍ରଥମେ ବ୍ୟାଟିଙ୍ଗି ର ନିଷ୍ପତି ନେଇଥିଲା ପାଣ୍ଡିରିପଡା ଏବଂ ନିର୍ଦ୍ଧାରିତ 15 ଉଭର ରେ 6 ଖେଳାଳି ହରାଇ 162 ରନ ସଂଗ୍ରହ କରିଥିଲା. ବିପରୀତ ଦଳ କାଦୁଆ କ୍ରିକେଟ କ୍ଳବ ନିର୍ଦ୍ଧାରିତ 15 ଉଭର ଖେଳି 112 ରନ କରି ନିଜର ପରାଜୟ ସ୍ୱୀକାର କରିଥିଲା.
