କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ ମଲ୍ଲ : କେନ୍ଦ୍ରାପଡା ଜିଲ୍ଲା ଚାରି ଗାଁ ଇକୋପାର୍କ ରେ ଜିଲା ସ୍ତରୀୟ କର୍ମଜୀବୀ ସାମ୍ବାଦିକ ମାନେ ଏକତ୍ରିତ ହୋଇଥିଲେ । ବିଭିନ୍ନ ଖବର କାଗଜ, ୱେବ ଚ୍ୟାନେଲ ଏବଂ ବୈଦୁତିକ ଗଣମାଧ୍ୟମର ଜିଲ୍ଲା ଓ ବ୍ଲକ ପ୍ରତିନିଧିମାନେ ଏହି କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିଲେ ।
ସାମ୍ବାଦିକଙ୍କ ଏକତା ନ ଥିବାରୁ ବହୁ ସମୟରେ ବିଭିନ୍ନ କ୍ଷେତ୍ରରେ ନିଷ୍ପେସିତ ହେଉଛନ୍ତି । ସାମ୍ବାଦିକଙ୍କ ସ୍ୱର ଚପାଇ ଦେବାକୁ ପ୍ରଶାସନିକ ସ୍ତରରେ ନିରନ୍ତର ଚେଷ୍ଟା ଚାଲିଛି । ଏହି ଭଳି କିଛି ସମସ୍ୟାର ଅନ୍ତ ଘଟାଇବା ଉଦେଶ୍ୟରେ ଆଜି ଜିଲ୍ଲା ସ୍ତରୀୟ କର୍ମଜୀବି ସାମ୍ବାଦିକ ବନ୍ଧୁ ମିଳନ ଆୟୋଜନ କରାଯାଇଥିଲା । ଏଥିରେ ଯୁବ ସାମ୍ବାଦିକ ଶିବାଶିଷ ମହାନ୍ତି, ମାନବ ଅଧିକାର କର୍ମୀ ସାଗର ଜେନା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
