ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ଯାଜପୁର ଜିଲ୍ଲା କାଳିଆପାଣି ଥାନା , ଚିଙ୍ଗୁଡ଼ିପାଳ ଗ୍ରାମପଞ୍ଚାୟତ ଅନ୍ତର୍ଗତ ଅଶୋକଝର ଗ୍ରାମର ଜୁଆଙ୍ଗ ବସ୍ତି ବାସିନ୍ଦା ଦୁର୍ଲ୍ଲଭ ପ୍ରଧାନଙ୍କ ତୀର ମାଡରେ ବଡ ଭାଇ ଗୁଲୁ ପ୍ରଧାନଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଅଶୋକଝର ଗ୍ରାମରେ ପାରିବାରିକ କଳହକୁ କେନ୍ଦ୍ର କରି ଗ୍ରାମର ଜ୍ଞାନ ପ୍ରଧାନଙ୍କ ବଡ ପୁଅ ଗୁଲୁ ପ୍ରଧାନଙ୍କୁ , ତାଙ୍କ ସାନ ଭାଇ ଦୁର୍ଲ୍ଲଭ ପ୍ରଧାନ ଏକ ତୀର ମାଡ କରିଥିଲେ । ସାନ ଭାଇର ତୀର ମାଡ଼ରେ ବଡ଼ ଭାଇ ଗୁଲୁ ପ୍ରଧାନଙ୍କ ଛାତିରେ ଗଭୀର ଆଘାତ ଲାଗିବା ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଘଟଣା ଘଟିବା ପରେ ତୀର ମାଡ଼ କରିଥିବା ସାନ ଭାଇ ଦୁର୍ଲଭ ପ୍ରଧାନ ଘଟଣାସ୍ଥଳରୁ ଖସି ପଳାଇ ଗ୍ରାମ ପାଖ ଜଙ୍ଗଲରେ ଲୁତି ରହିଥିଲା । କାଳିଆପାଣି ପୋଲିସ ଲିଖିତ ଅଭିଯୋଗକୁ ଭିତ୍ତି କରି ଏକ ମାମଲା ରୁଜୁ କରି ସାକ୍ଷ୍ୟ ପ୍ରମାଣ ଆଧାରରେ ଦୁର୍ଲଭ ପ୍ରଧାନକୁ ସ୍ଥାନୀୟ ଅଞ୍ଚଳରୁ ଗିରଫ କରି ସୁକିନ୍ଦା ବିଚାର ବିଭାଗୀୟ ଅଦାଲତକୁ ପଠାଇଛି ।
