ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ସହରର ରଥଗଡା ନିକଟବର୍ତ୍ତୀ ବଳଦେବଜୀଉ ମନ୍ଦିର ନିକଟରେ ଜନଜାତି ସଂଗ୍ରହାଳୟ ତଥା ସାଧନା କେନ୍ଦ୍ର ମାନ୍ୟବର ଢେଙ୍କାନାଳ ଜିଲ୍ଲାପାଳଙ୍କ ଦ୍ୱାରା ଉଦଘାଟିତ ହୋଇଯାଇଛି । ଏହି କାର୍ଯ୍ୟକ୍ରମରେ ସମ୍ମାନୀୟ ଅତିଥି ରୁପେ ଜିଲ୍ଲା ଶିକ୍ଷା ଓ ତାଲିମ କେନ୍ଦ୍ରର ଅଧକ୍ଷ ସଚିଦାନନ୍ଦ ମିଶ୍ର ଯୋଗ ଦେଇଥିଲେ । ଗୃହ ଉଦଘାଟନ , ଦୀପ ପ୍ରଜ୍ବଳନ ସହ ସୃଜନୀ ପୁସ୍ତକ ଜିଲ୍ଲାପାଳଙ୍କ ଦ୍ୱାରା ଉନ୍ମୋଚନ କରାଯାଇଥିଲା ।
ବିଦ୍ୟାଳୟ ଓ ଗଣଶିକ୍ଷା ବିଭାଗର ସହାୟତରେ ଗଠିତ ଏହି ସଂଗ୍ରହାଳୟ ଜନଜାତିକୁ ଜୀବନ୍ତ ରଖିବା ସହ ଜନଜାତି ର ଭାଷା, ଶିକ୍ଷା, ଚଳଣି, ସେମାନଙ୍କ ଦ୍ୱାରା ବ୍ୟବହୃତ ଯନ୍ତ୍ରପାତି ର ବ୍ୟବହାର ସମ୍ବନ୍ଧରେ ଆମକୁ ଜ୍ଞାନ ପ୍ରଦାନ କରିବା ସହ ପିଲା ମାନଙ୍କୁ ଶିକ୍ଷା ପ୍ରଦାନରେ ସହାୟତା ହେବ ବୋଲି ଜିଲ୍ଲା ଶିକ୍ଷା ଅଧିକରିଣୀ ନିବେଦିତା ପାଣି ମହୋଦୟ ମତ ରଖିଛନ୍ତି । ଆଜିର ଏହି ଉଦଘାଟନ ଉତ୍ସବରେ ପଞ୍ଚାୟତ ଉଚ୍ଚ ବିଦ୍ୟାଳୟ ପାଟଳା ର ଶିକ୍ଷକ ଧନେଶ୍ୱର ସାହୁ ଙ୍କୁ ସମ୍ବର୍ଦ୍ଧନା ଦିଆଯାଇଥିଲା ।
