ବାଙ୍କୀ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ବାଙ୍କୀ ରାଜନୀତି ଏବେ କ୍ଲାଇମାକ୍ସ ରେ , ସକାଳର ଘଟଣା ବଦଳାଉଛି ରାତିର ସମୀକରଣ । ବିଜେଡି ପ୍ରାର୍ଥୀ ଦେବୀରଞ୍ଜନ ତ୍ରିପାଠୀ ନାମାଙ୍କନ ଦାଖଲ କରି ସାରିଥିବା ସମୟରେ ଆଜି ବିଜେପି ଏବଂ କଂଗ୍ରେସ ପ୍ରାର୍ଥୀ କରିବେ ନୋମିନେଶନ । ତତ୍ପର ହୋଇ ଉଠିଛନ୍ତି ଉଭୟ ଦଳର କର୍ମୀ ଓ ନେତା । ତେବେ ବାଙ୍କୀ ରେ କଣ ରହିଛି ବିଜେପି ର ଗେମ୍ ପ୍ଲାନ୍ । କାହାର ପଲ୍ଲା ରହିଛି ଭାରି ! ବାଙ୍କୀ ରାଜନୀତିରେ ଏଥର ବେଶ ଗୁରୁତ୍ଵପୂର୍ଣ୍ଣ ପ୍ରସଙ୍ଗ ହୋଇଛି ବାରଙ୍ଗ ଘଟଣାବଳୀ । ପଞ୍ଚାୟତ ନିର୍ବାଚନରେ ବିଜେପି ର ବିଜୟ , ପୁଣି ସେହି ବ୍ୟକ୍ତିଙ୍କୁ ବିଜେପି ଟିକେଟ ଏବଂ ଏବେ ପୁରୁଖା ବିଜେଡି ନେତା ବିଜେଡି ଛାଡ଼ି ହାତ ଚିହ୍ନ କୁ ସମର୍ଥନ ସୃଷ୍ଟି କରିଛି ଅନେକ କୁହେଳୀ।
