ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା କାଶୀନଗର ବ୍ଲକ ଅନ୍ତର୍ଗତ ସୀତାପୁର ପଞ୍ଚାୟତ ଅନ୍ତର୍ଗତ ଶ୍ରୀବିଷ୍ଟୁପୂର ଗ୍ରାମ ରେ ଥିବା ଅଙ୍ଗୱାଡ଼ି କେନ୍ଦ୍ର ଦେଖି ପାରଳା ବିଧାୟକ କ୍ଷୁବ୍ଧ ହେଲେ । ବିଗତ ତିନି ବର୍ଷ ହେବ ଏହି ଅଙ୍ଗନୱାଡି କେନ୍ଦ୍ର ଟି ଅତି ଦୟନୀୟ ଭାବେ ଭାଙ୍ଗି ପଡ଼ିଛି ! ସ୍ଥାନୀୟ ସରପଞ୍ଚ ତେଜେଶ୍ୱର୍ ରାଓ ବହୁବାର ଅଭିଯୋଗ କରି ଆସୁଥିଲେ କିନ୍ତୁ କୌଣସି କାର୍ଯ୍ୟକାରୀ ହୋଇନାହିଁ ! ଗତକାଲି ସେହି ଅଙ୍ଗନୱାଡି କେନ୍ଦ୍ର ନିକଟ ରେ ଥିବା ବିଦ୍ୟାଳୟ ର ଅତିରିକ୍ତ ଶ୍ରେଣୀଗୃହ ର ଉଦଘାଟନୀ ଉତ୍ସବରେ ବିଧାୟକ ରୁପେଶ ପାଣିଗ୍ରାହୀ ଯୋଗ ଦେଇଥିଲେ । ଏହି ଉଦଘାଟନୀ ଉତ୍ସବ ପରେ ସ୍ଥାନୀୟ ସରପଞ୍ଚ ବିଧାୟକ ଙ୍କୁ ସେଇ ଅଙ୍ଗନୱାଡି କେନ୍ଦ୍ର କୁ ନେଇ ଦେଖାଇଥିଲେ , ସେଠିକାର ପରିବେଶ ଦେଖି ବିଧାୟକ କ୍ଷୁବ୍ଧ ହୋଇଥିଲେ ଓ ସଙ୍ଗେ ସଙ୍ଗେ ସେଇ ବିଭାଗୀୟ ଅଧିକାରୀ ଙ୍କୁ ଫୋନ୍ କରି ତୁରନ୍ତ ଏହାର ମରାମତି କରିବାକୁ ନିର୍ଦ୍ଦେଶ ଦେଇଥିଲେ । ଏହି ଅଙ୍ଗନୱାଡି କେନ୍ଦ୍ର ଭଗ୍ନାବଶେଷ ରେ ଥିବାବେଳେ କେଉଁ ମୂହୁର୍ତ୍ତ ରେ କାନ୍ଥ ଭୁଶୁଡ଼ି ପଡ଼ିବ କେଉଁ ନିରୀହ ଶିଶୁର ଜୀବନ ଯିବ ତାହା ସମୟ ହିଁ କହିବ । ଅଙ୍ଗନୱାଡି କେନ୍ଦ୍ର ର ପରିସର ମଧ୍ୟରେ ଜଙ୍ଗଲ ସୃଷ୍ଟି ହେଲା ଭଳି ଦେଖାଯାଉଛି ! ସାପ ଓ ଜନ୍ତୁ ଏହି ପରିସର ମଧ୍ୟରେ ରହୁଥିବା ସ୍ଥାନୀୟ ଅଙ୍ଗନୱାଡି କେନ୍ଦ୍ର ଦିଦି ମାନେ ଜଣାଇଛନ୍ତି, ଏହିପରି ଅବ୍ୟବସ୍ଥା ଭିତରେ ଥିବା ବେଳେ ଏଠି ପାଠ ପଢିବା ସମ୍ଭବ ନଥିବାରୁ ଚର୍ଚ୍ଚ ବାରଣ୍ଡା ରେ ନିରୀହ ଶିଶୁ ମାନଙ୍କୁ ପାଠ ପଢ଼ାଇବା ସହ ଶିଶୁ ଓ ଗର୍ଭବତୀ ମହିଳା ମାନଙ୍କ ଚିକିତ୍ସା କରାଯାଉଛି !
ଶ୍ରୀବିଷ୍ଟୁପୂର ଅଙ୍ଗନୱାଡ଼ି କେନ୍ଦ୍ର ଦେଖି କ୍ଷୁବ୍ଧ ହେଲେ ପାରଳାଖେମୁଣ୍ଡି ବିଧାୟକ !!!
