ଆୱାଜ ମିଡ଼ିଆ ( ଖୋର୍ଦ୍ଧା ବ୍ୟୁରୋ ) – ଗଙ୍ଗାଧର ସାହୁ : ବେଗୁନିଆ ଥାନା ଅନ୍ତର୍ଗତ ଧଳାପଥର ଗ୍ରାମରେ ବେଗୁନିଆ ପୁଲିସ ଏବଂ ଅବକାରୀ ବିଭାଗ ମିଳିତ ଭାବରେ ଚଢ଼ାଉ କରି 22 କେଜି ଗଞ୍ଜେଇ ଜବତ କରିବା ସହିତ ଶୁଭେନ୍ଦୁ ସ୍ୱାଇଁ ଓରଫ ବୁଲୁ କୁ ଗିରଫ କରି କୋର୍ଟ ଚାଲାଣ କରିଅଛି . ବୈଦେଶ୍ଵର ଥାନା ଖଜୁରୀପଦା ନୂଆସାହିର ଶୁଭେନ୍ଦୁ ଓରଫ ବୁଲୁ ଗଞ୍ଜେଇ ଚୋରା ଚାଲାଣ କରୁଥିବା ସମ୍ପର୍କରେ ବିଶେଷ ସୂତ୍ରରୁ ଖବର ପାଇଁ ବେଗୁନିଆ ଥାନା ଅଧିକାରୀ ରଶ୍ମୀରଂଜନ ସାହୁ , ଏସଆଇ ରବୀନ୍ଦ୍ର କୁମାର ପଣ୍ଡା , ଏସଆଇ ଶରତ କୁମାର ବେହେରା, ଏସଆଇ ଗାୟତ୍ରୀ ଗୋଛାୟତ ଏବଂ ଅବକାରୀ ବିଭାଗର କର୍ମଚାରୀ ମିଳିତ ଭାବରେ ରେଡ କରି 22 କେଜି 270 ଗ୍ରାମ ଗଞ୍ଜେଇ ଏବଂ 27ହଜାର ଦୁଇଶହ ନଗଦ ଟଙ୍କା ଜବତ କରିଛନ୍ତି . ବେଗୁନିଆ ଥାନା କେଶ ନମ୍ବର 174 ଏବଂ ମାଦକ ଦ୍ରବ୍ୟ ଚୋରା ଚାଲାଣ ଅପରାଧ ଆଇନ ଅନୁସାରେ ମକଦ୍ଦମା କରାଯାଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି . ଗଂଜେଇ ମାଫିଆ ଶୁଭେନ୍ଦୁ ଓରଫ ବୁଲୁ ନାମରେ ଆଗରୁ ଖୋର୍ଦ୍ଧା ଅବକାରୀ ଥାନା ଏବଂ ବାଲିଗୁଡା ଥାନାରେ କେଶ ଥିବାର ସୂଚନା ମିଳିଅଛି
