କଳାପଥର ( ଆୱାଜ ମିଡ଼ିଆ ) – ପ୍ରଶାନ୍ତ କର : ବାଙ୍କୀର ଅଗ୍ରଣୀ ଯୁବ ଅନୁଷ୍ଠାନ ଯୁବବଂଧୁ ସତସଂଗ ପରିବାର ତରଫରୁ କଳାପଥରର ଆୟୁଷ ଷ୍ଟଡି ପଏଣ୍ଟର ସେବାଘରେ ଏକ ବିଦ୍ୟାର୍ଥି ସଂବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମରଣ ପର୍ଯ୍ୟନ୍ତ ମନୁଷ୍ୟ ଶିକ୍ଷାକରେ…କିଂତୁ ମନରେ ଗର୍ବ ଅହଂ ଆସିଲେ ବିଦ୍ୟା ମନୁଷ୍ୟ ଆତ୍ମାରୁ କୁପଥକୁ ବାଟ ଭାଙ୍ଗେ । ବିଦ୍ୟାକୁ ଗୋଟେ ନିର୍ଦ୍ଧଷ୍ଟ ସତ ଲକ୍ଷରେ ପରିଚାଳିତ କଲେ ମନୁଷ୍ୟ ସର୍ବଶ୍ରେଷ୍ଠ ସ୍ଥାନରେ ପହଂଚିପାରିବ ବୋଲି ମୂଖ୍ୟଅତିଥି ତଥା ପଶ୍ଚିମ ବାଙ୍କୀ ବିକାଶ ପରିଷଦର ଆବାହକ ଆଡଭୋକେଟ ପ୍ରଦୀପ କୁମାର ପଟ୍ଟନାୟକ ନିଜ ବକ୍ତବ୍ୟରେ କହିଥିଲେ । ସଂପାଦକ ସୁବ୍ରତ କୁମାର ନାୟକଙ୍କ ସଭାପତିତ୍ଵରେ ଶିକ୍ଷୟତ୍ରୀ ମାନସୀ ମହାନ୍ତି , ଅଧ୍ୟାପିକା ମମତା ଜେନା , ମମତା ପୃଷ୍ଟି ସମ୍ମାନୀତ ଅତିଥି ଭାବେ ଯୋଗଦେଇ ବିଦ୍ୟାର୍ଥିମାନଂକୁ ସଂବର୍ଦ୍ଧିତ କରିଥିଲେ । ବାଙ୍କୀ ଉପଖଣ୍ତରେ +୨ କଳା ଏବା ବିଜ୍ଞାନର ଟପ୍ପର ବର୍ଷାରାଣୀ ସାହୁ , ପ୍ରିତିମୟୀ ନନ୍ଦଙ୍କ ସମେତ ବିଭିନ୍ନ ବିଷୟରେ ସର୍ବୋଚ୍ଚ ନମ୍ବର ରଖିଥିବା ସାତ ଜଣ ବିଦ୍ୟାର୍ଥିଙ୍କୁ ପୁଷ୍ପଗୁଛ ,ମାନପତ୍ର ଓ ଉପହାର ଦେଇ ସଂବର୍ଦ୍ଧିତ କରାଯାଇଥିଲା । ସର୍ବଶେଷରେ ସୁବାସିନି ନାୟକ ଧନ୍ୟବାଦ୍ ଦେଇଥିଲେ । କାର୍ଯ୍ୟକ୍ରମକୁ ରଂଜିତା ରାଉତ, ପ୍ରଭାତ ପ୍ରଧାନ , ବିଶ୍ଵକଲ୍ୟାଣ ଖୁଣ୍ଟିଆ , ସଂଗ୍ରାମ ବେହେରା ,ନୀଳିମା ଷଡ଼ଙ୍ଗୀ ପ୍ରମୂଖ ପରିଚାଳନା କରିଥିଲେ ।
