ନୟାଗଡ ( ଆୱାଜ ମିଡ଼ିଆ ) ସଞ୍ଜୀବ ଡାକୁଆ : ନୟାଗଡ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ମହୀପୁର ପଞ୍ଚାୟତ ର ପୂର୍ବତନ ସରପଞ୍ଚ ଗୋବିନ୍ଦ ଚନ୍ଦ୍ର ସାହୁଙ୍କର 92 ବର୍ଷ ବୟସରେ ଶନିବାର ବିଳମ୍ବିତ ରାତ୍ରିରେ ପରଲୋକ ଘଟିଛି . ସେ ମହୀପୁର ପଞ୍ଚାୟତ ର ଦୁଇ ଥର ସରପଞ୍ଚ ଭାବେ ନିର୍ବାଚିତ ହୋଇ ବହୁ ଉନ୍ନତିମୂଳକ କାର୍ଯ୍ୟ କରିଥିଲେ . ସ୍ୱର୍ଗତ ସାହୁ ଜଣେ ଦକ୍ଷ ରାଜନୀତିଜ୍ଞ, ପରୋପକାରୀ , ମେଳାପୀ ବ୍ୟକ୍ତି ସହ ଜନତା ଦଳ ର ଜଣେ ପୁରୁଖା ନେତା ଭାବେ ଦଶପଲ୍ଲା ନିର୍ବାଚନ ମଣ୍ଡଳୀରେ ଜଣାଶୁଣା ଥିଲେ . ତାଙ୍କ ଦେହାନ୍ତ ପରେ ଅଂଚଳରେ ଶୋକର ଛାୟା ଖେଳି ଯାଇଛି . ଗୋବିନ୍ଦ ଚନ୍ଦ୍ର ସାହୁଙ୍କ ବିୟୋଗରେ ନୟାଗଡ ବିଜେଡି ଜିଲ୍ଲା ସଭାପତି ତଥା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଗଭୀର ଶୋକ ପ୍ରକାଶ କରିବା ସହ ତାଙ୍କ ଆତ୍ମାର ସଦଗତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରିଛନ୍ତି . ଏହାସହ ସ୍ବର୍ଗତ ଗୋବିନ୍ଦ ଚନ୍ଦ୍ର ସାହୁଙ୍କର ପରିବାର ପ୍ରତି ସମବେଦନା ଜଣାଇଛନ୍ତି ବିଧାୟକ ରମେଶ ଚନ୍ଦ୍ର ବେହେରା.
