କେନ୍ଦ୍ରାପଡା (ଆୱାଜ ମିଡ଼ିଆ ) – ପ୍ରଫୁଲ୍ଲ ମଲ୍ଲ : କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା କୁସୁନପୁର ଗ୍ରାମରେ ଘଟିଛି ଅବାଭନୀୟ ଘଟଣା । ଗତକାଲି ବିଳମ୍ବିତ ରାତିରେ ୨ଟି ପରିବାରରୁ ଲୁଟ୍ ହୋଇଥିବା ସମୟରେ ଚୋରଙ୍କ ଭୁଜାଲି ଚୋଟରେ ଦୁଇ ଜଣ ଗୁରୁତର ଆହତ ହୋଇଛନ୍ତି . ସୂଚନା ଅନୁଯାୟୀ ଗତ କାଲି ବିଳମ୍ବିତ ରାତ୍ରରେ ୬ ଜଣ ଦୁର୍ବୁତ୍ତ ଗ୍ରିଲ ଏବଂ ତାଲା ଭାଙ୍ଗି କୁସୁନପୁର ଗ୍ରାମର କାହ୍ନୁ ଚରଣଙ୍କ ଘରେ ପସି ଚୋରି କରୁଥିବା ସମୟରେ ପରିବାର ଲୋକେ ଉଠି ପଡ଼ିଥିଲେ . ପାଟି କରି ପଡୋଶୀଙ୍କୁ ଡାକିବା ସହିତ ଲୁଟେରା ମାନଙ୍କୁ ବିରୋଧ କରିବାରୁ ଦୁର୍ବୁତ୍ତ ମାନେ ଭୁଜାଲିରେ ସ୍ବାମୀ ଓ ସ୍ତ୍ରୀ ଙ୍କ ମୁଣ୍ଡକୁ ଆକ୍ରମଣ କରିଥିଲେ . ପରିବାରର ଅନ୍ୟ ସଦସ୍ୟ ମାନଙ୍କୁ ଆଉ ଏକ ଘରେ ପୁରାଇ ଘରର ବାହାର ପଟୁ ତାଲା ପକାଇ ଦେଇଥିଲେ । ଲୁଟେରାଙ୍କ ଆକ୍ରମଣରେ ଗୁରୁତର କାହ୍ନୁ ଚରଣ ନାୟକ କଟକ ମେଡିକାଲ ସ୍ଥାନାନ୍ତର ହୋଇଥିବା ବେଳେ ମହିଳା ଜଣଙ୍କ କେନ୍ଦ୍ରାପଡା ମେଡିକାଲରୁ ଘରକୁ ଫେରିଛନ୍ତି। ଏନେଇ ମାର୍ଶାଘାଇ ପୋଲିସ ତଦନ୍ତ ଜାରି ରଖିଛି ।
