କଳାପଥର ( ଆୱାଜ ମିଡ଼ିଆ ) – ପ୍ରଶାନ୍ତ କର : ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ ଆରିକମାରେ ସଫେଇ କାର୍ଯ୍ୟ କରାଯାଇଛି । ଆରିକମା ଗ୍ରାମ ପଂଚାୟତର ମା କୋଶଳାଶୁଣୀ ମହୋତ୍ସବ କମିଟି ପକ୍ଷରୁ ଆରିକମା ଗ୍ରାମର ନେଳିଆ ପୁଷ୍କରଣୀ ଠାରୁ ମା କୋଶଳାଶୁଣୀଙ୍କ ମନ୍ଦିର ପର୍ଯ୍ୟନ୍ତ ସଫେଇ କାର୍ଯ୍ୟ କରାଯାଇଥିଲା । ମହୋତ୍ସବ କମିଟିର କହିବା ମୁତାବକ ଚଳିତବର୍ଷ ଦେଶରେ ମହାମାରୀ କରୋନା ବ୍ୟାପିଥିବା ପରିସ୍ଥିତିରେ ସମସ୍ତ ସାଂସ୍କୃତିକ କାର୍ଯ୍ୟକ୍ରମ ବନ୍ଦ ରହିଅଛି . ତେବେ କଟକଣା ସାମାନ୍ୟ କୋହଳ ହେବା ପରେ ବିଭିନ୍ନ ଦେବାଳୟ ପରିସର କୁ ଶ୍ରଦ୍ଧାଳୁ ଆସିବା ଆରମ୍ଭ ହେଲାଣି .ସର୍ବସାଧାରଣ ଯାତାୟାତ କରୁଥିବା ରାସ୍ତା , ମା କୋଶଳାଶୁଣୀ ମନ୍ଦିର ପରିସରକୁ ସଫା କରିବା ପାଇଁ ନିଷ୍ପତ୍ତି ନେଇ ମହୋତ୍ସବ କମିଟି ତରଫରୁ ଏହି ସଫେଇ କାର୍ଯ୍ୟକ୍ରମ କରାଯାଇଛି . ସମୂହ ସଫେଇ କାର୍ଯ୍ୟ ଅବସରରେ ରଜନୀକାନ୍ତ ଆଚାର୍ଯ୍ୟ, ଗୋପୀନାଥ ଦାସ, ରାମାକାନ୍ତ ପ୍ରତାପସିଂ,ପରୀକ୍ଷିତ ପ୍ରଧାନ, ନୀଳକଣ୍ଠ ବେହେରା, ପଦ୍ମନାଭ ରଥ, ସୌମ୍ୟ ରଞ୍ଜନ ପଣ୍ଡା, ବିପ୍ରଜିତ ପଟ୍ଟନାୟକ ଙ୍କ ସମେତ ପ୍ରାୟ 150ରୁ ଅଧିକ ଯୁବକ ଯୋଗଦାନ କରିଥିଲେ ।
