ନୂଆଗାଁ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ଼ ନୂଆଗାଁ ବ୍ଲକ କାପ୍ତାପଲ୍ଲୀ ପଞ୍ଚାୟତର ଘୋଡ଼ାକବରୀ ଗ୍ରାମରେ ଆଜି ଗ୍ରାମବାସୀ ମାନଙ୍କର କରୋନା ଟେଷ୍ଟ ହୋଇଛି l ଗ୍ରାମର ମୋଟ 150ଜଣଙ୍କ ସ୍ୱାବ ଟେଷ୍ଟ କରାଯାଇଥିଲା l ତେବେ ଡାକ୍ତର ରିତେଶ ବଳିୟାରସିଂ ଙ୍କ ସୂଚନା ମୁତାବକ 150 ଜଣଙ୍କ ମଧ୍ୟରୁ କେହି ଜଣେ ମଧ୍ୟ ପଜିଟିଭ ଚିହ୍ନଟ ହୋଇନାହାନ୍ତି l ସୂଚନା ଅନୁସାରେ କିଛି ଦିନ ହେଲା ନୟାଗଡ଼ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ସାମାନ୍ୟ କମ ରହିଛି l ହେଲେ ସତର୍କତା ଏବଂ ସୁରକ୍ଷା ଦୃଷ୍ଟିରୁ ଜିଲ୍ଲାର ବିଭିନ୍ନ ସ୍ଥାନରେ ସାମୁହିକ କୋଭିଡ ଟେଷ୍ଟ କରାଯାଉଛି l
