ନୟାଗଡ଼ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ସହରରୁ ଜବତ ହେଲା ନକଲି ପାଞ୍ଚ ଶହ ଟଙ୍କିଆ ନୋଟ୍ । ନୟାଗଡ଼ ଟାଉନ ଥାନା ପୋଲିସ ୧ ଲକ୍ଷ ୨୫ ହଜାର ଟଙ୍କା ଜବତ କରିବା ସହ ଦୁଇଜଣଙ୍କୁ ଗିରଫ କରିଛି । ଘଟଣାରୁ ପ୍ରକାଶ ଯେ, ଖଣ୍ଡପଡ଼ା ବ୍ଲକର ଦୁଇଜଣ ନୟାଗଡ଼ ରାଜା ବଗିଚା ଅଞ୍ଚଳରେ ଭଡ଼ାଘରେ ରୁହନ୍ତି । ସେମାନେ ଏକ ବାଇକ୍ କିଣିବା ପାଇଁ ଶୋ ରୁମ୍ ରେ ପହଞ୍ଚି ୧ ଲକ୍ଷ ୩୦ ହଜାର ଟଙ୍କା ଦେଇଥିଲେ। ସେଥିମଧ୍ୟରୁ ପାଞ୍ଚ ହଜାର ଟଙ୍କା ଅସଲି ଥିବାବେଳେ ଅନ୍ୟ ସବୁ ଟଙ୍କା ନକଲି ଥିଲା । ଶୋ ରୁମ୍ ପକ୍ଷରୁ ଖବର ପାଇ ଟାଉନ ଥାନା ପୋଲିସ ଟଙ୍କା ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି । ଏହାସହ ସେ ରହୁଥିବା ଭଡା ଘରେ ଚଢ଼ାଉ କରି ଜାଲ ନୋଟ୍ ତିଆରି ହେଉଥିବା ଯନ୍ତ୍ରାଂଶ ଜବତ କରିଛି ପୋଲିସ ।
