ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବାଙ୍କୀର ଜଣାଶୁଣା ସାମ୍ବାଦିକ ତଥା ଜୀ -ଓଡ଼ିଶାରେ କାର୍ଯ୍ୟରତ ବାଙ୍କୀ ପ୍ରତିନିଧି ଗୋବିନ୍ଦ ପରିଡାଙ୍କ ଅକାଳ ବିୟୋଗରେ ସମଗ୍ର ବାଙ୍କୀର ଗଣମାଧ୍ୟମ ପ୍ରତିନିଧି ମାନେ ଶୋକ ପ୍ରକାଶ କରିଛନ୍ତି . ବାଙ୍କୀ ୱେବ ମିଡ଼ିଆର କିଛି ପ୍ରତିନିଧି ସ୍ୱର୍ଗତ ପରିଡାଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି . ସଂଯୋଗ ଟୁଡ଼େ ର ପରିଚାଳନା ମୁଖ୍ୟ ସୁଧୀର ସାହୁ , ପ୍ରତିନିଧି ପ୍ରତାପ ନାୟକ , ଆହ୍ଵାନ ଟିଭିର ସହ ସମ୍ପାଦକ ଅଜୟ ପଣ୍ଡା , ଖବର ମୁଖ୍ୟ ମନୋରଞ୍ଜନ ପଣ୍ଡା , ଆୱାଜ ମିଡ଼ିଆର ବ୍ୟୁରୋ ଚିଫ ସତ୍ୟବ୍ରତ ଦାଶ , ବାଙ୍କୀ ପ୍ରତିନିଧି ଅନନ୍ତ ରଣା , ସାମ୍ବାଦିକ ପ୍ରଶାନ୍ତ କର ପ୍ରମୂଖ ସ୍ୱର୍ଗତ ପରିଡାଙ୍କ କିଆପଲ୍ଲା ନୂଆଗାଁ ସ୍ଥିତ ବାସଭବନକୁ ଯାଇ ତାଙ୍କ ପରିବାର ବର୍ଗଙ୍କୁ ଭେଟିଥିଲେ . ସେହିପରି ବାଙ୍କୀ ପ୍ରେସ କ୍ଲବ ତରଫରୁ ଏକ ପ୍ରତିନିଧି ଦଳ ମଧ୍ୟ ଗୋବିନ୍ଦ ପରିଡାଙ୍କ ଗ୍ରାମକୁ ଯାଇ ତାଙ୍କ ପରିବାର ବର୍ଗଙ୍କୁ ଭେଟିବା ସହ କିଛି ଆର୍ଥିକ ସହାୟତା ପ୍ରଦାନ କରିଛନ୍ତି .
