ଭୁବନେଶ୍ୱର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଆସନ୍ତା ଫ୍ରେବୃଆରୀ 28 ତାରିଖ ରବିବାର ଦିନ ଜୟଦେବ ବିହାର ଏନ-6 ପଡିଆ ଠାରେ “ସହୀଦ କପ” ଅନୁଷ୍ଠିତ ହେବାକୁ ଯାଉଛି l ଏଥିରେ ମିଡ଼ିଆ , ଅଭିନେତା, ରାଜନେତା ଏବଂ ସଚିବାଳୟ ଅଧିକାରୀ ଟିମ ଏହିପରି 4 ଗୋଟି ଟିମ ଭାଗ ନେବାର କାର୍ଯ୍ୟକ୍ରମ ରହିଛି l ପରସ୍ପର ମଧ୍ୟରେ ଭାଇଚାରାର ବାର୍ତା ନେଇ ଏହି କ୍ରିକେଟ ଟୁର୍ନାମେଣ୍ଟ ଅନୁଷ୍ଠିତ ହେବ ବୋଲି ସହୀଦ ଭଗତ ସିଂହ ଯୁବ ପରିଷଦ ପରିସର ରେ ଆୟୋଜିତ ଏକ ସାମ୍ବାଦିକ ସମିଳନୀରେ ପରିଷଦର କର୍ମକର୍ତା ମାନେ ମତ ବ୍ୟକ୍ତ କରିଛନ୍ତି l ଭୁବନେଶ୍ୱରର ଅଗ୍ରଣୀ ସଂଗଠନ ସହୀଦ ଭଗତ ସିଂ ଯୁବ ପରିଷଦ ଏହାକୁ ଆୟୋଜନ କରୁଅଛି l ଏହି ମ୍ୟାଚ ସକାଳ 7.30 ରେ ଆରମ୍ଭ ହୋଇ ସେହିଦିନ ଶେଷ ହେବ l ପ୍ରତେକ ଟିମ 10 ଓଭର ମ୍ୟାଚ ଖେଳିବେ l ଏହି ଟୁର୍ନାମେଣ୍ଟରେ ଅଭିନେତା, ରାଜନେତା, ସାମ୍ବାଦିକ ଓ ସେକ୍ରେଟାରୀଏଟ ଟିମ ଯୋଗ ଦେବା ସହ ବରିଷ୍ଠ ନେତା ଓ ଅଭିନେତା ଉଦଘାଟନ ଉତ୍ସହବରେ ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି ଏକ ସାମ୍ବାଦିକ ସମ୍ମିଳନୀରେ ଯୁବ ପରିଷଦ ସଭାପତି ରଶ୍ମିରଂଜନ କାନୁନଗୋ ଓ ସମ୍ପାଦକ ସ୍ୱପ୍ନେନ୍ଦୁ ମହାନ୍ତି କହିଛନ୍ତି l
ଏହି ପରିଷଦ ସମାଜର ବିଭିର୍ଣ୍ଣ ସାମାଜିକ କାର୍ଯ୍ୟରେ କାମକରି ବିଗତ ଦିନରେ ଅତ୍ୟନ୍ତ ଲୋକପ୍ରିୟ ହୋଇଅଛି l କରୋନା ମହାମାରୀ ସମୟରେ ପରିଷଦ ର କର୍ମକର୍ତା ମାନେ ସ୍ଥାନୀୟ ଅଞ୍ଚଳରେ ଖାଦ୍ୟ, ମାସ୍କ, ସାନିଟାରୀ ଓ ଅନ୍ୟାନ୍ୟ ସାମଗ୍ରୀ ବାଣ୍ଟି ଲୋକମାନଙ୍କୁ ସହଯୋଗର ହାତ ବଢ଼େଇଥିଲେ l ଏହି କ୍ରିକେଟ ଟୁର୍ନାମେଣ୍ଟ ଦ୍ୱାରା କରୋନାକୁ ହରାଇ ଆମେ ଆଗକୁ ବଢିବାକୁ ପ୍ରୋତ୍ସାହନ ଯୋଗେଇବର ଲକ୍ଷ ରଖିଥିବା ଶ୍ରୀ କାନୁନଗୋ ପ୍ରକାଶ କରିଛନ୍ତି l ଏହି ଟୁର୍ନାମେଣ୍ଟର ଜର୍ଶୀ ଆଜି ଲୋକାର୍ପଣ କରାଯାଇଥଲା l ଏହି ଲୋକାର୍ପଣ ଉତ୍ସହବରେ ଅଭିନେତା କ୍ୟାପଟେନ ରମେଶ ବାରିକ, ମିଡ଼ିଆ ଟିମର ଦେବଶିଷ ସୁନ୍ଦରାୟ, ରାଜନେତା ଟିମର ବାସୁଦେବ ଭଟ୍ଟ ଓ ସଚିବାଳୟ ଟିମ ଅମରେନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ l ପରିଷଦ ର ଅନ୍ୟାନ୍ୟ ସଦଶ୍ୟ ଆଲୋକ ନନ୍ଦ, ଦିବ୍ୟଜ୍ୟୋତି କର, ସିଦିକ ଖାନ, ଯଯାତି ମିଶ୍ର, ଶ୍ରୀକାନ୍ତ ଦାଶ, ପୁଣ୍ୟାଶ୍ଳୋକ ମହାନ୍ତି, ରଶ୍ମିରଂଜନ ମହାନ୍ତି , ବଟକୃଷ୍ଣ ରାଉତ , ପ୍ରଣୟ ବେହେରା ଓ ଅନ୍ୟମାନେ ଉପସ୍ଥିତ ଥିଲେ l
