ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ଗୋଶାଣୀ ବ୍ଳକ କେରାଣ୍ଡି ପଞ୍ଚାୟତ ବି.ସୀତାପୁର ଗ୍ରାମରେ ଥିବା ଅଙ୍ଗନବାଡି କେନ୍ଦ୍ର ଠାରେ ପାଳିତ ହୋଇଯାଇଛି ଶିଶୁ ଦିବସ . ଏସବିଆଇ ଲାଇଫ ଇନ୍ସୁରାନ୍ସ ଶାଖା ତରଫରୁ ବି.ସୀତାପୁର ଗ୍ରାମର ଅଙ୍ଗନବାଡି କେନ୍ଦ୍ରରେ ଶିଶୁ ଦିବସ କାର୍ଯ୍ୟକ୍ରମ ପାଳନ ଅବସରରେ ଶିଶୁ ମାନଙ୍କୁ ଉତ୍ସ।ହିତ କରିବା ସହ ସେମାନଙ୍କର ମାନସିକ ଉନ୍ନତି ପାଇଁ ଏକ ପ୍ରୟାସ କରାଯାଇଥିଲା । ଏହି ଦିବସରେ ପିଲାମାନଙ୍କ ମଧ୍ୟରେ ଚିତ୍ରାଙ୍କନ ପ୍ରତିଯୋଗିତା କରାଯାଇଥିଲା ଏଥିରେ 30ରୁ 35 ପିଲା ଅଂଶ ଗ୍ରହଣ କରିଥିଲେ । ଯାହାର ଚିତ୍ର ଉତ୍ତମ ରୁ ଉତ୍ତମ ହୋଇଥିଲା।ସେମାନଙ୍କୁ ପ୍ରଥମ, ଦ୍ୱିତୀୟ ଓ ତୃତୀୟ ପୁରସ୍କାର ଓ ମାନପତ୍ର ପ୍ରଦାନ କରାଯାଇଥିଲା । ପ୍ରତିଯୋଗିତାରେ ଅଂଶଗ୍ରହଣ କରିଥିବା ପିଲା ମାନଙ୍କୁ ମଧ୍ୟ ସାର୍ଟିଫିକେଟ ପ୍ରଦାନ କରାଯାଇଥିଲା । କାର୍ଯ୍ୟକ୍ରମରେ ଶିଶୁ ମାନେ ବହୁତ ଖୁସି ଅନୁଭବ କରି ଅଂଶ ଗ୍ରହଣ କରିଥିଲେ । ଏପରି କାର୍ଯ୍ୟକ୍ରମର ଆୟୋଜନକୁ ନେଇ ଶିଶୁ ମାନଙ୍କ ଅଭିଭାବକ ଓ ଅଙ୍ଗନବାଡି କର୍ମୀ ପୁଷ୍ପାଞ୍ଜଳି ପଣ୍ଡା ଖୁସି ପ୍ରକଟ କରିଛନ୍ତି । ଏସବିଆଇ ଶାଖାର ଶାଖା ପରିଚାଳକ ଜୟନ୍ତ ଜେନା, ଡେଭଭଲପମେଣ୍ଟ ପରିଚାଳକ କିଶୋର ଚନ୍ଦ୍ର ପ୍ରଧାନ, ଗ୍ରାମର ସଭାପତି ଏନ.ଜଗନ୍ନାଥ ଓ ଅଙ୍ଗନବାଡି କର୍ମୀ ପୁଷ୍ପାଞ୍ଜଳି ପଣ୍ଡା, ଯାଞ୍ଚ କମିଟି ସଦସ୍ୟ ମହେନ୍ଦ୍ର ବରାଡ଼ ପ୍ରମୁଖ ଉପସ୍ଥିତ ଥିଲେ । ସର୍ବ ଶେଷରେ ଅଙ୍ଗନବାଡି କର୍ମୀ ପୁଷ୍ପାଞ୍ଜଳି ପଣ୍ଡା ଏସ ବି ଆଇ ଶାଖାର ସମସ୍ତ ସଦସ୍ୟଙ୍କୁ ଧନ୍ୟବାଦ ଜଣାଇଥିଲେ।
