ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ ଜିଲ୍ଲା ଗଣିଆ ବ୍ଲକ କଂଗ୍ରେସର ସାଙ୍ଗଠନିକ ବୈଠକ ସ୍ଥାନୀୟ ଦସିପୁର ତୋଟାରେ ଆୟୋଜିତ ହୋଇଯାଇଛି . ଜିଲ୍ଲା କଂଗ୍ରେସ ସଭାପତି ତଥା ଆଇନଜୀବୀ ରଣଜିତ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ପ୍ରଥମେ ବରିଷ୍ଠ କଂଗ୍ରେସ ନେତା ସାଂସଦ ଅହମଦ ପଟେଲଙ୍କ ବିୟୋଗରେ ଦୁଇ ମିନିଟ ନୀରବ ପ୍ରାର୍ଥନା ଏବଂ ଶୋକାଵ୍ୟକ୍ତ କରାଯାଇଥିଲା . ବୈଠକରେ ଜିଲ୍ଲାର ବରିଷ୍ଠ କଂଗ୍ରେସ ନେତା ସମିତି ସଦସ୍ୟ ହୁସେନ ଖାଁ , ସୁକାନ୍ତ ଶତପଥୀ , ରବି ସାହୁ , ସୁରେଶ ନାୟକ , କାଶୀନାଥ ନାୟକ , ଗୌରାଙ୍ଗ ନାୟକ , ସଂଖ୍ୟା ଲଘୁ ନେତା ହାଲିମ ଖାଁ , ଯୁବ କଂଗ୍ରେସ ନେତା ଚିତ୍ତରଞ୍ଜନ ମହାଳିକ ପ୍ରମୂଖ ଯୋଗଦେଇ ଦଳୀୟ ସଂଗଠନ ପୁନର୍ବିନ୍ୟାସ ଉପରେ ଗୁରୁତ୍ୱ ପ୍ରଦାନ କରିଥିଲେ . ଗଣିଆ ବ୍ଲକରେ ଦଳର କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ପାଇଁ ସାଙ୍ଗଠନିକ ସ୍ତରରେ ଆମୂଳଚୂଳ ପରିବର୍ତ୍ତନ କରାଯିବ ବୋଲି ଜିଲ୍ଲା ସଭାପତି ପ୍ରକାଶ କରିଛନ୍ତି . ବ୍ଲକ ସଭାପତି ଏବଂ ଛାମୁଆ କର୍ମକର୍ତ୍ତା ମନୋନୟନ ପାଇଁ ସର୍ବସମ୍ମତି କ୍ରମେ ପ୍ରସ୍ତାବ ଗୃହୀତ ହୋଇଛି .
