ନୟାଗଡ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୂଆଗାଁ ବ୍ଲକ ଅନ୍ତର୍ଗତ କୋରଡ ପଞ୍ଚାୟତରେ ଆୟୋଜିତ ହୋଇଯାଇଛି କେପିଏଲ କ୍ରିକେଟ ଟୁର୍ଣ୍ଣାମେଣ୍ଟ । ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଟୁର୍ଣ୍ଣାମେଣ୍ଟକୁ ଆନୁଷ୍ଠାନିକ ଭାବରେ ଉଦଘାଟନ କରିଥିଲେ । ସ୍ଥାନୀୟ ତିନୋଟି କ୍ରିକେଟ କ୍ଳବକୁ ନେଇ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ଆକର୍ଷଣୀୟ ଖେଳ ପ୍ରଦର୍ଶନ କରି ପଞ୍ଚସଖା କୃଷକ କ୍ଲବ ଏବଂ ବଜରଙ୍ଗୀ ଲାୟନସ କ୍ଲବ ଫାଇନାଲ ରାଉଣ୍ଡ କୁ ଯାଇଥିଲେ । ଫାଇନାଲ ମ୍ୟାଚ ବେଶ ରୋମାଞ୍ଚକର ହୋଇଥିଲା ।
ପ୍ରଥମେ ବ୍ୟାଟିଂ କରି ବରରଙ୍ଗୀ ଲାୟନସ କ୍ଲବ 11 ଓଭର ମଧ୍ୟରେ ସମସ୍ତ ୱିକେଟ ହରାଇ 103 ରନ ସଂଗ୍ରହ କରିଥିଲା . ପଞ୍ଚସଖା କ୍ରିକେଟ କ୍ଲବ 11 ଓଭର ମଧ୍ୟରେ 3 ଟି ୱିକେଟ ହରାଇ ମ୍ୟାଚକୁ ନିଜ ଅଧିନକୁ ନେଇ ଯାଇଥିଲା । ନୂଆଗାଁ ପଂଚାୟତ ସମିତିର ଚେୟାର ମ୍ୟାନ ଅନ୍ତର୍ଯ୍ୟାମୀ ସ୍ଵାଇଁ ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ ।
କେପିଏଲ ଟୁର୍ଣ୍ଣାମେଣ୍ଟର ଚଳିତ ସଂସ୍କରଣରେ ଯୋଗ ଦେଇଥିବା ତିନୋଟି ଦଳ ଯଥା ପଞ୍ଚସଖା କୃଶକ କ୍ଲବ ,ବଜରଙ୍ଗୀ ଲାୟନସ କ୍ଲବ ଓ ମା ଦୂର୍ଗା କ୍ରିକେଟ କ୍ଲବ ର ସମସ୍ତ ଖେଳାଳିଙ୍କୁ ସମ୍ମାନୀତ କରଯାଇଥିଲା । ଆକର୍ଷଣୀୟ ଖେଳ ପ୍ରଦର୍ଶନ ପାଇଁ ମ୍ୟାନ ଅଫ ଦି ମ୍ୟାଚ , ବେଷ୍ଟ ବୋଲର , ବେଷ୍ଟ ବ୍ୟାଟ୍ସମ୍ୟାନ ମାନଙ୍କୁ ପୁରସ୍କୃତ କରାଯାଇଥିଲା , ଶେଷରେ ଟୁର୍ଣ୍ଣାମେଣ୍ଟର ଚମ୍ପିୟାନ ପଞ୍ଚସଖା କୃଷକ କ୍ଲବ ର ସମସ୍ତ ଖେଳାଳିଙ୍କୁ ଟ୍ରଫି ପ୍ରଦାନ କରାଯାଇଥିଲା ।
